СЫР САҚШЫЛАРЫ «БАУЫРЛАСТАР» АЛЛЕЯСЫНА 200 ТҮП АҒАШ ОТЫРҒЫЗДЫ
Қызылорда облысы Ішкі істер департаменті Кадр жұмыстары басқармасының ұйымдастыруымен полиция қызметкерлері сенбілік өткізді, деп хабарлайды ОІІД баспасөз қызметі.
Қаламыздың гүлденуіне өз үлестерін қосуды мақсат еткен тәртіп сақшылары «Бауырластар» аллеясының маңын тазалап, көгалдандыру және абаттандыру мақсатында 200 түп ағаш отырғызды. Бірлескен әрі жұдырықтай жұмылып ұйымдастырылған жұмыстың нәтижесінде саябақ аумағы қалыпқа келтіріліп, әсемдене түсті. Тәртіп сақшылары бүгін егілген көшеттердің жайқалып өсуі қадағаланып, күтіп-баптау жұмыстары жалғасын табатынына сенім білдірді.
