Kyzylorda-News.kz

 

    Қызылорда облыстық телекоммуникация дирекциясының коммерциялық директоры Асия Айсаева телекоммуникация қызметінің ерекшеліктері туралы айтып берді.

    «Бүгінде біз телекоммуникация қызметіне жаңа абоненттерді қосу бойынша белсенді түрде жұмыстар жасап жатырмыз. Абоненттердің сұранысын қанағаттандыру үшін ұсынылатын қызметтердің сапасын жоғарылатуға және өңірдегі телекоммуникация нарығындағы озық позицияларды бекітуге жұмыстар жасаудамыз. Оның ішінде цифрлық телевидение және Интернетті кеңінен қолдану бар. Әрбір пакетке жоғары жылдамдықты интернет қосылған. «Қазақтелеком» 120 мб/сек жылдамдығындағы интернетті ұсынады. Қазіргі уақыттағы бұл нарықтағы ең жоғары көрсеткіш болып отыр. 1 сәуірге жасалған қорынытды бойынша бүгінгі уақытта жоғары жылдамдықты интернетке 40700 тұтынушы қосылған».
    Цифрлық телеарна қызметінің мүмкіндіктері де кеңейді. Жаңа жүйелер қосылып, мобильді құрылғыдан және теледидардан бірдей көре алатын iD TV Online қызметі бойынша каналдар саны көбейді, «Караоке» ойын-сауық жүйесі де іске қосылды. 2015 жылы iD TV абоненттері үшін SVOD жүйесі құрылған болатын. Бүгінде цифрлық қызметті тұтынатын абоненттердің саны 1 сәуірге 10000-нан асты.
    Шынар БЕКБАН