Kyzylorda-News.kz

    Қазақ тілі аса бай, құнарлы тіл. Қазақ халқы – сөзге шешен, ойы ұшқыр, мақалдап сөйлейтін халық. Кез – келген дауды атақты билеріміз бір ауыз сөзбен шеше білген. Осыншама жылдар бойы құ­нарын жоймай бүгінге жеткен ана тіліміздің мәртебесі әрине асқақ. Ұлы тіліміздің ұлықтаған Елбасы «Қазақстанның болашағы қазақ тілінде» деп бекер айтқан жоқ. Біздің ана тіліміз еліміздің заңыменен де қорғалып тұр. Заңымызда:
    «Қазақстан Республикасының мемлекеттiк тiлi - қазақ тiлi» деп айқын көрсетілген.  
    Мемлекеттiк тiл - мемлекеттiң бүкiл аумағында қоғамдық қатынастардың барлық саласында қолданылатын мемлекеттiк бас­қару, заң шығару, сот iсiн жүргiзу және iс қағаздарын жүргiзу тiлi деп көрсетілген.
    Қазақстан халқын топтастырудың аса маңызды факторы болып табылатын мемлекеттiк тiлдi меңгеру - Қазақстан Республикасының әрбiр азаматының парызы, десе сонымен қатар «Үкiмет, өзге де мемлекеттiк, жергiлiктi өкiлдi және атқарушы органдар: Қазақстан Республикасында мемлекеттiк тiлдi барынша дамытуға, оның халықаралық беделiн нығайтуға және Қазақстан Республикасының барша азаматтарының мемлекеттiк тiлдi еркiн және тегiн меңгеруiне қажеттi барлық ұйымдастырушылық, материалдық-техникалық жағдайларды жасауға, қазақ диаспорасына ана тiлiн сақтауы және дамытуы үшiн көмек көрсетуге мiндеттi делінген. Ендеше қазақ тілін әрбіріміз біліп, құрметтеп, ұлықтауға тиіспіз.
    М.ИБРАШЕВ,
    Қызылорда қаласының мамандандырылған әкімшілік
    сотының төрағасы