ҚЫЗЫЛОРДАДА ПОГОНДЫ «КӨКТЕМ АРУЛАРЫ» ӨЗАРА БАҚ СЫНАСТЫ
Халқымыз қашан да нәзік жанды әйелдерді қастерлеп, шаңырақтың ұйытқысына, ырыс пен бірліктің символына балаған. Үйдің киесі, жақсылық біткеннің діңгегі саналатын қыз-келіншектеріміз қазіргі таңда уақыт көшінен қалмай, жоғары кәсібиліктің үлгісін көрсетіп келеді. Қызылорда облысы Ішкі істер департаментінде ерлермен иық тірестіре жүріп, жауапты да күрделі салада 200-ге жуық нәзік жандылар абыройлы қызмет етуде. Полиция қызметінің ауырлығына қарамастан олар азаматтық борышын өтеу жолында қажымай еңбек етіп, тыныштық пен қауіпсіздіктің сақталуын басты міндеті етіп келеді.
Ағымдағы жылдың 27 ақпанында Қызылорда облысы Ішкі істер департаментінің үлкен мәжіліс залында «8 наурыз – Халықаралық әйелдер күні» мерекесі қарсаңында қоғамның тыныштығы мен қауіпсіздігін қорғап жүрген қайсар ару қыздардың арасында «Көктем аруы-2016» сайысы өтті. Байқауға қалалық және аудандық ішкі істер бөлімінен, департаменттің қызмет салаларынан 13 талапкер қатысып, 5 түрлі сайыс бойынша бақтарын сынады. «Өзін-өзі таныстыру», «Мақал-мәтел айтып жарысу», «Өз өнерін көрсету» сайыстарында полицей арулардың ұлттық салт-дәстүрлерді, қазақтың рухани құндылықтарын жетік білуі, ұшқыр қиялы мен шығармашылық даралығы сыналса, қалған «Макаров тапаншасын уақытқа бұзу және жинау», «Дартс спорт түрінен жарыс» атты сайыстарда кәсіби даярлығы мен спорттық шеберлігі бағаланды.
Аталмыш бәсекеде қатысушылардың өнерін департамент бастығының орынбасары М.Шохатаев төрағалық етіп, департамент басшылығы мен басқарма бастықтарынан құралған әділқазылар алқасы бағалады.
Аталмыш өнер бәсекесінің қорытындысы бойынша үздік деп танылған арулардың есімі белгілі болды. Бас жүлдені Жаңақорған аудандық ішкі істер бөлімі Ақпараттық-аналитикалық тобының инспекторы Сейтжанқызы Жаннұр қанжығасына байласа, І орынды ҚР ІІМ Байқоңыр қаласындағы өкілдігінің тергеу бөлімі бастығының орынбасары полиция капитаны Отарбаева Лаура Ғанибекқызы иеленді. І және ІІ орындарды Қызылорда ОІІД-нің Әкімшілік полиция басқармасы әкімшілік практика бөлімінің инспекторы полиция аға лейтенанты Шохаева Раушан мен Шиелі АІІб-нің кадр жұмыстары тобының инспекторы полиция аға лейтенанты Көрпебаева Назерке Сақтапбергенқызы теңдей бөлісті. Сонымен қатар, «Ең үздік сәнді ару» аталымы бойынша Арал АІІб-нің жергілікті полиция қызметінің ювеналды полиция тобының учаскелік полиция инспекторы полиция майоры Ақназарова Алтын Маралқызы, «Мерген ару» аталымы бойынша ҚР ІІМ Байқоңыр қаласындағы өкілдігінің тергеу бөлімінің тергеушісі полиция лейтенанты Оспанова Асел Нұрланқызы, «Инабатты ару» аталымы бойынша Сырдария АІІб-нің Көші-қон полиция тобының инспекторы қатардағы полицей Әмірбек Алтыншаш Әмірбекқызы, «Өнерлі ару» аталымы бойынша Жалағаш АІІб Жергілікті полиция қызметінің ювеналды полиция тобының учаскелік полиция инспекторы полиция майоры Ахметова Ұлбосын Жақсылыққызы марапатталып, естелікке құнды сыйлықтар табысталды.
Қызылорда ОІІД баспасөз қызметі
Ағымдағы жылдың 27 ақпанында Қызылорда облысы Ішкі істер департаментінің үлкен мәжіліс залында «8 наурыз – Халықаралық әйелдер күні» мерекесі қарсаңында қоғамның тыныштығы мен қауіпсіздігін қорғап жүрген қайсар ару қыздардың арасында «Көктем аруы-2016» сайысы өтті. Байқауға қалалық және аудандық ішкі істер бөлімінен, департаменттің қызмет салаларынан 13 талапкер қатысып, 5 түрлі сайыс бойынша бақтарын сынады. «Өзін-өзі таныстыру», «Мақал-мәтел айтып жарысу», «Өз өнерін көрсету» сайыстарында полицей арулардың ұлттық салт-дәстүрлерді, қазақтың рухани құндылықтарын жетік білуі, ұшқыр қиялы мен шығармашылық даралығы сыналса, қалған «Макаров тапаншасын уақытқа бұзу және жинау», «Дартс спорт түрінен жарыс» атты сайыстарда кәсіби даярлығы мен спорттық шеберлігі бағаланды.
Аталмыш бәсекеде қатысушылардың өнерін департамент бастығының орынбасары М.Шохатаев төрағалық етіп, департамент басшылығы мен басқарма бастықтарынан құралған әділқазылар алқасы бағалады.
Аталмыш өнер бәсекесінің қорытындысы бойынша үздік деп танылған арулардың есімі белгілі болды. Бас жүлдені Жаңақорған аудандық ішкі істер бөлімі Ақпараттық-аналитикалық тобының инспекторы Сейтжанқызы Жаннұр қанжығасына байласа, І орынды ҚР ІІМ Байқоңыр қаласындағы өкілдігінің тергеу бөлімі бастығының орынбасары полиция капитаны Отарбаева Лаура Ғанибекқызы иеленді. І және ІІ орындарды Қызылорда ОІІД-нің Әкімшілік полиция басқармасы әкімшілік практика бөлімінің инспекторы полиция аға лейтенанты Шохаева Раушан мен Шиелі АІІб-нің кадр жұмыстары тобының инспекторы полиция аға лейтенанты Көрпебаева Назерке Сақтапбергенқызы теңдей бөлісті. Сонымен қатар, «Ең үздік сәнді ару» аталымы бойынша Арал АІІб-нің жергілікті полиция қызметінің ювеналды полиция тобының учаскелік полиция инспекторы полиция майоры Ақназарова Алтын Маралқызы, «Мерген ару» аталымы бойынша ҚР ІІМ Байқоңыр қаласындағы өкілдігінің тергеу бөлімінің тергеушісі полиция лейтенанты Оспанова Асел Нұрланқызы, «Инабатты ару» аталымы бойынша Сырдария АІІб-нің Көші-қон полиция тобының инспекторы қатардағы полицей Әмірбек Алтыншаш Әмірбекқызы, «Өнерлі ару» аталымы бойынша Жалағаш АІІб Жергілікті полиция қызметінің ювеналды полиция тобының учаскелік полиция инспекторы полиция майоры Ахметова Ұлбосын Жақсылыққызы марапатталып, естелікке құнды сыйлықтар табысталды.
Қызылорда ОІІД баспасөз қызметі
