ҚЫЗЫЛОРДА ОБЛЫСЫ МӘУЛІТТІ АТАП ӨТТІ
ҚМДБ-ның Қызылорда облысы бойынша өкілдігі, орталық «Ақмешіт-Сырдария» мешіті «Сағындым сені, я, Расулалла» атты облыстық Мәуліт кешін өткізді, деп хабарлады облыстық «Ақмешіт-Сырдария» мешітінің баспасөз қызметі.
Облыстық Н.Бекежанов атындағы драма театрда өткен Мәуліт мерекесі биыл жаңашылдыққа толы, әсерлі өтті деуге негіз бар. Алғаш құттықтау сөз алған ҚМДБ-ның дін істері бөлімінің меңгерушісі Камалжан Тұрдыбаев Сыр халқын Мәуліт мерекесімен құттықтап, ҚМДБ-ның төрағасы, Бас мүфти Ержан қажы Малғажыұлының ыстық сәлемін жеткізді. Құттықтау сөзбен қатар, әсерлі уағызын жеткізіп, мәуліт оқудың сауабы хақында насихатын айтты.
Өз кезегінде ҚМДБ-ның Қызылорда облысы бойынша өкілі, орталық «Ақмешіт-Сырдария» мешітінің бас имамы Талғат Омаров та халықты Мәулітпен құттықтап, 2015 жылғы атқарылған шараларға да тоқталды. Қызылорда халқына орталық «Ақмешіт-Сырдария» мешітінің 2015 жылғы атқарған жұмыстары туралы арнайы есебі көрсетілді. Шараның ерекше атап өтетін бөлігі «Әсем киім - әйел көркі» атты қыз-келіншектердің ұлттық нақыштағы киім үлгілерінен көріністер болды.
Сондай-ақ, ҚМДБ-ның дін істері бөлімінің меңгерушісі Камалжан Бекбосынұлы облысымыздағы бірқатар аудан, қала имамдарына ҚМДБ-ның төрағасы Бас мүфти Ержан қажы Малғажыұлының арнайы алғыс хатын табыс етсе, бас имам Талғат Омаров облыстың бірнеше имамына өз атынан имамдық қызметін жауапкершілікпен атқарғаны үшін алғысын білдірді. Шара барысында Мәуліттің құрметіне ұйымдастырылған «Сағындым сені, я Расул алла» атты шығармалар байқауының қорытындысы жарияланып, жеңімпаздар арнайы дипломдармен, ақшалай сыйақылармен марапатталды.
Одан бөлек, орталық «Ақмешіт-Сырдария» мешітіне күрделі жөндеу жүргізілуіне атсалысып, үлесін қосқан бірқатар кәсіпкерлер мен Мәуліт мерекесінің өтуіне демеушілік жасаған азаматтар да марапатталды. Жалпы, шара жоғары деңгейде ұйымдастырылып, қатысушы тұрғындар ризашылықтарын білдіріп тарқасты.
Облыстық Н.Бекежанов атындағы драма театрда өткен Мәуліт мерекесі биыл жаңашылдыққа толы, әсерлі өтті деуге негіз бар. Алғаш құттықтау сөз алған ҚМДБ-ның дін істері бөлімінің меңгерушісі Камалжан Тұрдыбаев Сыр халқын Мәуліт мерекесімен құттықтап, ҚМДБ-ның төрағасы, Бас мүфти Ержан қажы Малғажыұлының ыстық сәлемін жеткізді. Құттықтау сөзбен қатар, әсерлі уағызын жеткізіп, мәуліт оқудың сауабы хақында насихатын айтты.
Өз кезегінде ҚМДБ-ның Қызылорда облысы бойынша өкілі, орталық «Ақмешіт-Сырдария» мешітінің бас имамы Талғат Омаров та халықты Мәулітпен құттықтап, 2015 жылғы атқарылған шараларға да тоқталды. Қызылорда халқына орталық «Ақмешіт-Сырдария» мешітінің 2015 жылғы атқарған жұмыстары туралы арнайы есебі көрсетілді. Шараның ерекше атап өтетін бөлігі «Әсем киім - әйел көркі» атты қыз-келіншектердің ұлттық нақыштағы киім үлгілерінен көріністер болды.
Сондай-ақ, ҚМДБ-ның дін істері бөлімінің меңгерушісі Камалжан Бекбосынұлы облысымыздағы бірқатар аудан, қала имамдарына ҚМДБ-ның төрағасы Бас мүфти Ержан қажы Малғажыұлының арнайы алғыс хатын табыс етсе, бас имам Талғат Омаров облыстың бірнеше имамына өз атынан имамдық қызметін жауапкершілікпен атқарғаны үшін алғысын білдірді. Шара барысында Мәуліттің құрметіне ұйымдастырылған «Сағындым сені, я Расул алла» атты шығармалар байқауының қорытындысы жарияланып, жеңімпаздар арнайы дипломдармен, ақшалай сыйақылармен марапатталды.
Одан бөлек, орталық «Ақмешіт-Сырдария» мешітіне күрделі жөндеу жүргізілуіне атсалысып, үлесін қосқан бірқатар кәсіпкерлер мен Мәуліт мерекесінің өтуіне демеушілік жасаған азаматтар да марапатталды. Жалпы, шара жоғары деңгейде ұйымдастырылып, қатысушы тұрғындар ризашылықтарын білдіріп тарқасты.
