ОБЛЫСТЫҚ НАРКОЛОГИЯ ОРТАЛЫҒЫНА ТЕКСЕРУ ЖҮРГІЗДІ
Қызылорда облыстық прокуратурасында облыстық наркология орталығына денсаулық сақтауды реттейтін және өзге де қолданыстағы заңнамаларының, сондай-ақ, санитарлық, өрт қауіпсіздігі ережелерінің қолданылуына (бақылау және қадағалау органдарының мамандарының қатысуымен) тексеру қорытындысына қатысты брифинг болып өтті. Бұл туралы облыстық прокуратураның басқарма прокуроры Әділжан Сыздықов бұқаралық ақпарат құралдарына айтып өтті.
Орталықты тексеру барысында қауіпсіздік шараларының өз деңгейінде жүргізілмейтіні, бюджет, мемлекеттік сатып алу туралы және денсаулық сақтауды реттейтін заңнамаларының жүйелі түрде бұзылу деректері анықталды.
Қазіргі таңда орталықта 260 (оның ішінде 105 еріксіз ем алушылар) алкоголизмге және нашақорлыққа шалдыққан науқас ем алуда.
Нақтыласақ, қауіпсіздік шаралары өз ағынына жіберілуі салдарынан 2015 жылдың өзінде орталық ғимаратынан қашып кетудің 75 және спирт ішімдігін ішудің 30 деректері орын алған.
Сонымен қатар, орталыққа жеткізілетін түрлі посылкаларды қабылдау бақылаусыз жүргізіліп, тыйым салынған заттарды еркін алып кіре алады.
Оған қоса, орталық әкімшілігі тарапынан спирт ішімдігін ішкен және ғимараттан қашқан емделушілерді арнайы палатаға жатқызумен ғана шектеліп, күзет мекемесінен тиісті міндеттемелерді орындамағаны үшін келісім-шартта белгіленген айыппұлдар өндірілмеген.
Орталықтың ғимараты (бұрынғы 1967 жылы салынған облыстық аурухана ғимараты) арнайы типтік нарколигиялық ұйымы ғимаратына сәйкес салынбағандықтан, невропатолог, дерматолог, офтальмолог және отоларинголог, таңу және шағын операциялар жасайтын хирургия кабинеті, терапиялық кабинет қарастырылмауымен қатар, мамандардың штат саны талапқа сәйкес келмейді.
Сондай-ақ, ғимаратта ұзақ мерзімді кездесуге арналған бөлмелер жоқ, орталықтың бөлімшесінде асхана мен қысқа мерзімді бөлме бір жерде орналасқан.
Есепте тұрғандарға профилактикалық жұмыстар формальды жүргізілген және оларды диспансерлік есептен шығаруда салғырттық жүйелі сипатқа айналған.
Мысалы, Б.Ж. 2011 жылы есепке алынып, сол жылы сотты болғанына қарамастан, ол диспансердің есебінен тек 2014 жылы шығарылып, оның амбулаториялық кәртішкесіне профилактикалық қарау мүлдем жүргізілмеген.
Ішінара қараудың өзінде бұндай 10 дерек анықталды.
Сонымен қатар, тексерумен ақылы қызмет көрсетулерден түскен қолма-қол ақша қалдығының сәйкес келмейтіні, 600 000 теңгеге жуық міндетті зейнетақы жарнасын заңсыз ұстау, мемлекеттік сатып алу барысында 7 кәсіпкердің өтінімдерін көрінеу негізсіз бас тарту, жанар-жағар майды лимиттен артық жұмсау, қызметтік автокөлікті тиімсіз пайдалану түріндегі заңсыздықтар анықталды.
2015 жылы орталықтың ғимаратын күрделі жөндеуге көп қаржы жұмсалғандығына қарамастан, санитариялық-эпидемиологиялық және өрт қауіпсіздігіне қойылатын талаптар осы уақытқа дейін сақталмаған.
Жоғарыда орын алған заңдылықты бұзушылықтарды жою және болдырмау мақсатында облыстық прокуратурамен облыс әкімдігіне ұсыныс енгізді. Прокурорлық қадағалау актісінің нәтижесінде кешенді іс-шаралар жоспары бекітіліп, 14 қызметкер тиісті жауаптылыққа тартылды.
Облыстық прокуратураның баспасөз қызметі
Орталықты тексеру барысында қауіпсіздік шараларының өз деңгейінде жүргізілмейтіні, бюджет, мемлекеттік сатып алу туралы және денсаулық сақтауды реттейтін заңнамаларының жүйелі түрде бұзылу деректері анықталды.
Қазіргі таңда орталықта 260 (оның ішінде 105 еріксіз ем алушылар) алкоголизмге және нашақорлыққа шалдыққан науқас ем алуда.
Нақтыласақ, қауіпсіздік шаралары өз ағынына жіберілуі салдарынан 2015 жылдың өзінде орталық ғимаратынан қашып кетудің 75 және спирт ішімдігін ішудің 30 деректері орын алған.
Сонымен қатар, орталыққа жеткізілетін түрлі посылкаларды қабылдау бақылаусыз жүргізіліп, тыйым салынған заттарды еркін алып кіре алады.
Оған қоса, орталық әкімшілігі тарапынан спирт ішімдігін ішкен және ғимараттан қашқан емделушілерді арнайы палатаға жатқызумен ғана шектеліп, күзет мекемесінен тиісті міндеттемелерді орындамағаны үшін келісім-шартта белгіленген айыппұлдар өндірілмеген.
Орталықтың ғимараты (бұрынғы 1967 жылы салынған облыстық аурухана ғимараты) арнайы типтік нарколигиялық ұйымы ғимаратына сәйкес салынбағандықтан, невропатолог, дерматолог, офтальмолог және отоларинголог, таңу және шағын операциялар жасайтын хирургия кабинеті, терапиялық кабинет қарастырылмауымен қатар, мамандардың штат саны талапқа сәйкес келмейді.
Сондай-ақ, ғимаратта ұзақ мерзімді кездесуге арналған бөлмелер жоқ, орталықтың бөлімшесінде асхана мен қысқа мерзімді бөлме бір жерде орналасқан.
Есепте тұрғандарға профилактикалық жұмыстар формальды жүргізілген және оларды диспансерлік есептен шығаруда салғырттық жүйелі сипатқа айналған.
Мысалы, Б.Ж. 2011 жылы есепке алынып, сол жылы сотты болғанына қарамастан, ол диспансердің есебінен тек 2014 жылы шығарылып, оның амбулаториялық кәртішкесіне профилактикалық қарау мүлдем жүргізілмеген.
Ішінара қараудың өзінде бұндай 10 дерек анықталды.
Сонымен қатар, тексерумен ақылы қызмет көрсетулерден түскен қолма-қол ақша қалдығының сәйкес келмейтіні, 600 000 теңгеге жуық міндетті зейнетақы жарнасын заңсыз ұстау, мемлекеттік сатып алу барысында 7 кәсіпкердің өтінімдерін көрінеу негізсіз бас тарту, жанар-жағар майды лимиттен артық жұмсау, қызметтік автокөлікті тиімсіз пайдалану түріндегі заңсыздықтар анықталды.
2015 жылы орталықтың ғимаратын күрделі жөндеуге көп қаржы жұмсалғандығына қарамастан, санитариялық-эпидемиологиялық және өрт қауіпсіздігіне қойылатын талаптар осы уақытқа дейін сақталмаған.
Жоғарыда орын алған заңдылықты бұзушылықтарды жою және болдырмау мақсатында облыстық прокуратурамен облыс әкімдігіне ұсыныс енгізді. Прокурорлық қадағалау актісінің нәтижесінде кешенді іс-шаралар жоспары бекітіліп, 14 қызметкер тиісті жауаптылыққа тартылды.
Облыстық прокуратураның баспасөз қызметі
