Kyzylorda-News.kz

    Жуырда «Айтбек» сауда үйінің ғимаратында Қызылорда облысы төтенше жағдайлар департаменті арнайы өрт-тактикалық оқу-жаттығу өткізді.
    Шартты белгі бойынша кешкі сағат 21-30 да сауда ғимаратының І қабатында асхана бөлмесінен қою қара түтін шығып жатқаны жөнінде орталық өрт байланыс бекетіне хабар түседі. Дабыл бойынша оқиға орнына құтқарушылар жеткізіледі.
    Оқу-жаттығуға 6 негізгі, 2 арнайы, 1 штабтық автокөліктер және 50 қызметкер қатыстырылды. Сонымен қатар, бірлесіп іс-қимыл жасау жоспарына сәйкес, әкімшілік полициясы, «Апаттар медициналық орталығы» ММ, «ҚазТрансГазАймақ» ЖШС-і және қалалық электр торабы жұмылдырылды.
    «Барлығы 2 жауынгерлік аймаққа бөлініп іс-қимыл жүргізу барысында «өртті уақытылы және тиімді сөндіре білді» деген қорытындымен жаттығу өз мақсатына жетті», - дейді жаттығудың өрт сөндіру жетекшісі кезекші өрт сөндіру қызметі өрт сөндіру жетекшісінің орынбасары өртке қарсы қызмет майоры Н.Абуов.
    И.Досжан
    КӨСҚ ӨСЖ аға көмекшісі
    ө.қ.қ. майоры