Kyzylorda-News.kz

 

    Қызылорда облысы ТЖД «Өрт сөндіру және авариялық – құтқару жұмыстары қызметі» мемлекеттік мекемесінің ұжымы мекеме бастығының орынбасары өртке қарсы қызмет полковнигі Оразбек Жұмабековті, Күштер мен құралдарды басқару орталығы бастығы өртке қарсы қызмет подполковнигі Асқар Қожақовты, бас маман өртке қарсы қызмет подполковнигі Берікбол Аманбаевты, кезекші өрт сөндіру қызметі жедел кезекшісінің орынбасары өртке қарсы қызмет подполковнигі Мұрат Боранбаевты және жедел кезекші өртке қарсы қызмет майоры Хобибулла Әбдірахмановты құрметті зейнеткерілк демалысына шығарып салды. Олардың барлығы үлкен еңбек тәжірибесі бар, өз ісінің кәсіби мамандары болды.
    «Біз, зейнетке шығып жатқан азаматтар ретінде сіздерді осы ұжымда абыроймен қызмет етулеріңізге тілектеспіз. Ұжым дегеніміз - ол үлкен бір жанұя, біз үнемі бір-бірімізді қолдап отыруымыз керек»,- деп қорытты өз сөзін  О.Жұмабеков.
    Оразбек Жұмабеков - бірнеше бөлімдерді басқарған, басшылық қызметте өзінің көп жылғы өрт сөндіру жұмыстары еңбек тәжірибесі бар, өз ісін жақсы білетін маман. Ол зейнет демалысына шығар кезінде өзінің әріптестеріне шын жүрегінен ыстық ықыласын білдіріп, рахметін айтты.
    Қызылорда облысы ТЖД «Өрт сөндіру және авариялық – құтқару жұмыстары қызметі» мемлекеттік мекемесінің ұжымы өз кезегінде зейнетке шығып жатқан азаматтардың өмір жолдарының қызықты кезеңдерін еске алып,  әріптестерге естелік сыйлықтар табыстады.
    Жиналыс соңында мекеме бастығы өртке қарсы қызмет полковнигі Ә.Көкеев әріптестеріне бірге жүрген уақытта елі үшін жасаған қызметтеріне ризашылығын білдіріп, отбасыларына амандық, өздеріне ұзақ өмір және дендеріне саулық тіледі.
    Қызылорда облысы ТЖД «Өрт сөндіру және
    авариялық-құтқару жұмыстары қызметі» ММ