Kyzylorda-News.kz

 

    Жыл өткен сайын Ә.Тәжібаев атындағы Қызылорда облыстық әмбебап ғылыми кітапханасының виртуалды оқырмандары көбейіп келеді. Мұндағы мультимедиалық қор 500-ге жуықтайды.

    Интернет ресурстарының ішінде «Сырдария» электронды кітапханасының маңызы жоғары. Өйткені қажетті өлкентанулық ақпаратты тез табуға болады. Онда өңір тарихы, атаулы оқиғалар, оқиғалар хронологиясы, Сыр елін дамытуға үлес қосқан азаматтар туралы материалдар жинақталған. Электронды кітапханада мыңнан астам кітаптың PDF нұсқасы мен мақала тіркелген.
    - Біз облыста бірінші боп кітапхананы цифрлық жүйеге көшірдік. Оқырман кітаптың мұқабасындағы QR кодын сканерлеп, оны планшеті не смартфонына жүктеп, оқи алады. Мобильді кітапхана қорында Сыр бойының белгілі қаламгерлерінің туындылары бар, - дейді кітапхана директоры Нұржамал Мырзамұратова.
    Жұмыссыз, мүмкіндігі шектеулі жастарды IT-технологияларға икемдеу үшін кітапханада «Шаңырақ» интелллект орталығы жұмыс істейді. Курсқа қатысушылар әлеуметтік желілерді, электронды үкіметтің онлайн қызметтерін, күрделі компьютерлік бағдарламаларды қолдануды үйренеді. Алдағы уақытта орталықта қолынан іс келетін жандарды қолөнерге баулу жоспарланып отыр.
    Назерке САНИЯЗОВА