ШОҚАН УӘЛИХАНОВТЫҢ ӨМІР ЖОЛЫ МЕН ШЫҒАРМАШЫЛЫҒЫНА АРНАЛДЫ
Ә.Тәжібаев атындағы облыстық әмбебап ғылыми кітапхананың балалар әдебиеті бөлімінде ғалым Шоқан Уәлихановтың туғанына 180 жыл толуына орай «Шоқан Уәлиханов – қазақтың жарық жұлдызы» атты тақырыптық кеш өтті.
Кітапханадан хабарлағандай, шараға Ж.Қизатов атындағы №23 мектеп-лицейдің 6-7 сынып оқушылары қатысты. Тарих пәнінің мұғалімі Л.Жүнісова қазақ халқының ұлы ойшылы, ұлттық мақтанышы, тұңғыш ғалымы туралы әңгімеледі. Оқушылар ғалымға арналған өлеңдерін оқып, өмірі мен шығармашылығына арналған сұрақтарға жауап берді. Сапарғали Бегалиннің «Бала Шоқан» шығармасынан көрініс қойып, Шоқан Уәлихановтың шығармашылығына арналған бейнероликті тамашалады. Оқушылар «Ұлы даланың асыл перзенті» атты кітап көрмесімен танысты.
