Kyzylorda-News.kz

 

    Қызылорда облысы ТЖД Өрт сөндіру және авариялық-құтқару жұмысы  қызметі ММ №12 өрт бөлімінде Қызылорда қаласының №15 лицей мектебінің түлектері үшін ашық есік күні өткізілді.

    Негізгі мақсат – орта оқу орындарының жоғарғы сынып оқушылары үшін ҚР ТЖК ІІМ беделді Көкшетау техникалық инстутына насихат жүргізу болды.
    Өрт бөлімі бастығының орынбасары өртке қарсы қызмет майоры Мұхит Жұмахметов қатысушыларға Көкшетау техникалық институтына оқуға түсу жайлы айтып, бейнетаспа көрсетті. Оқушыларға оқу орны жайлы мәліметі бар ескерткіштер ұсынылды.
    Оқушылар өрт сөндірушілердің тұрмысы жайлы танысудан бұрын өртке қарсы қызмет ардагері Әбдіхалықов Бөрібек Қызылорда облысы ТЖД «Өрт сөндіру және авариялық-құтқару жұмыстары қызметі» ММ, өртке қарсы қызметтің тарихы жайлы егжей-тегжейлі баяндап, өрт сөндіру қауіпсіздігінің ережелерін еске түсірді.
    Одан кейін өртпен күресушілер бөлімшенің тұрмыстық және оқу бөлмелерін, өрт оқиғасы жөнінде ақпарат түсіп тұратын диспетчер бөлмесін көрсетті. Әрине, өрт сөндіру машинасыз жұмыс бітпеді. Экскурсияға қатысушыларды гаражда өртке қарсы қызмет қызметкерлерінің барлық құпияларымен арнаулы техникасы күтіп тұрды.
    Өртке шақыру түскені қонақтар үшін тосын сәт болды. Олар өрт сөндіру бөлімінің қызметкерлерінің санаулы секундтарда керек жарақтармен жабдықталып, өрт сөндіруге шыққанына мұқият қарап отырды.
    Оқушылар өрт сөндірушілердің өртті болдырмау үшін өзін қалай ұстау керек екені жайлы әңгімелерін сүйсіне тыңдап, өз ісінің мамандарына сұрақ қойып, тиісті ақпараттарды алды.
    Қызылорда облысы ТЖД «Өрт сөндіру және авариялық-құтқару
    жұмыстары қызметі» ММ