Kyzylorda-News.kz

 

    Қызылорда облыстық телекоммуникация дирекциясында қарттар күніне орай мерекелік шара өтті. Аймақтың байланыс саласын ілгерілетуге зор үлес қосқан азаматтарға құрмет көрсетіп, дирекция басшылығы мерекелік асқа зейнеткерлер мен ҰОС ардагерлерін шақырып қонақ етті.
    Дәстүрге айналған кездесу барысында Қызылорда ОТД бас директорының міндетін атқарушы Бахытбек Қалықов қарттарды мерекесімен құттықтап, ерен еңбектері үшін алғыс айтты. Сондай-ақ, соңғы жылдары компанияның қол жеткізген жетістіктерімен бөлісті.
    Ардагерлер қайнаған еңбек жылдарын еске алысып, әріптестерімен пікір алмасты. Көңілді өткен кештен қариялар риясыз ниеттерін білдіріп, әңгіме-дүкен құрып, марқайысып қайтты.