Kyzylorda-News.kz

 

 

    Қоғамдық орындарда заттарды өзгеше тәсілмен сатып алу, сату, айырбастау немесе иемдену мақсатында кәсіпкерлік субъектісі болып табылмайтын адам жасаған, сондай-ақ бал ашу, қайыршылық, сексуалдық сипатта қызметтер көрсету не өзге қызметтер көрсетуді күштеп таңу мақсатында тиісу, яғни мазалап өтініш білдіру деректерін анықтау, құқықтық ықпал ету, іс-шараларға мемлекеттік органдармен үкіметтік емес ұйымдарды, жергілікті бұқаралық ақпарат құралдары өкілдерін кеңінен тарту арқылы тұрғындарға үгіт-насихат шараларын жүргізу мақсатында облыс көлемінде «Қайыршы» жедел профилактикалық іс-шарасы өтті. Бұл туралы Қызылорда ОІІД Баспасөз қызметінен хабарлады.
    Жедел профилактикалық іс-шараның қорытындысымен облыс көлемінде қайыршылықпен айналысып жүрген 302 адам анықталып, әкімшілік хаттама толтырылды. Атап айтқанда, ҚР ӘҚБтК-нің 449-бабының 1-бөлігімен 291 тұлға әкімшілік жауапкершілікке тартылса, оның ішінде қайыршылық жасағаны үшін 214, сексуалдық сипатта қызмет көрсеткені үшін 15, жеке көлікпен тасымалдау қызметі үшін 17, сату, сатып алу, заттарды айырбастағаны үшін 36, өзге де құқықбұзушылықтары үшін 9 адам  әкімшілік жауапкершілікке тартылды.
    Сондай-ақ, қоғамдық орында тиісу бойынша бір жыл ішінде қайталап жасағандары үшін яғни, ҚР ӘҚБтК-нің 449-бабының 2-бөлігіне сәйкес, 8 азаматқа, оның ішінде қайыршылық жасағаны үшін 4, сексуалдық сипатта қызмет көрсеткені үшін 4 хаттама толтырылып, мамандандырылған әкімшілік сотқа жолданды.
    Шара барысында ішкі істер органдарының қызметкерлерімен барлығы  1 млн. 441 мың 905 теңге айыппұл салынды.