Kyzylorda-News.kz

 

    Бүгін облыс көлемінде мүдделі мемлекеттік органдардың, үкіметтік емес ұйымдардың және бұқаралық ақпарат құралдарының өкілдерін тарта отырып, «Түнгі қаладағы балалар» жедел профилактикалық іс-шарасы басталды.

    Іс-шараның негізгі мақсаты – тәуліктің кешкі және түнгі уақытында кәмелетке толмағандардың арасындағы құқық бұзушылықтардың алдын алу болып табылады.
    ЖПІШ-ға қатысуға жергілікті атқарушы органдардың, прокуратура, білім беру, денсаулық сақтау органдарының, сондай-ақ «Нұр Отан» партиясының жастар қанаты филиалының өкілдері мен ата-аналар комиттеттерін қатыстыру жөнінде қолдау хаттар жолданды.
    Іс-шара аясында алкогольдік ішімдік ішетін, заңды өкілдердің ілесіп жүруінсіз түнгі уақытта үй-жайлардан тыс сауықтыру орындарында болатын, тыныштықты бұзатын, ұсақ бұзақылық жасайтын кәмелетке толмағандарды, сондай-ақ кәмелетке толмағандарды қоғамға қарсы іс-әрекеттер жасауға тартатын адамдарды анықтау мақсатында кәмелетке толмағандардың көп жиналатын орындарында рейдтік іс-шаралар өткізу жоспарлануда. Аталмыш  іс-шара қыркүйек айының  21-не дейін жалғасады.
    Қызылорда  ОІІД баспасөз қызметі