Kyzylorda-News.kz

 

    2015 жылдың  1 тамызына  қызылордалықтардың жалпы саны (алдын-ала деректер бойынша) – 759,8  мың адамды құрады, соның ішінде қала халқы – 329,6 мың, ауыл халқы – 430,2 мың адам. Қалалық тұрғындар үлесіне  43,4%, ауылдықтар үлесіне – 56,6% тиесілі, деп жазады kyzylorda-stat.kz.

    2015 жылдың қаңтар-шілде айында облыста туылғандар саны 11095 адамды құрады, бұл 2014 жылдың  осы кезеңімен  салыстырғанда  695 адамға азайды. Жалпы халықтың туу коэффициенті 1000 тұрғынға есептегенде 27,17-ден 25,17-не азайған.
    2015 жылдың қаңтар-шілде айында облыста  өлім көрсеткіші 2647 адамды  құрап, 49  адамға азайды (2014 жылдың қаңтар-шілде айында  2696 адам), ал жалпы өлім көрсеткішінің коэффициенті әрбір 1000 тұрғынға шаққанда 6,21-ден 6,01-ге азайған.                    
    Тұрғындар арасындағы өлім себептерінің негізгі топтарының басым үлес салмағын қан айналымы жүйесінің аурулары алады (25,1%).