Kyzylorda-News.kz

 

    ҚР ІІМ ТЖК «Апаттар медицинасы орталығы» мемлекеттік мекемесі Қызылорда облысы бойынша филиалынының ұйымдастыруымен Қызылорда облысы Төтенше жағдайлар департаментінде «Үздік медицина қызметкері» сайысы өтті. Бұл туралы Қызылорда облысы ТЖД мемлекеттік тіл және ақпарат тобынан хабарлады.

    Мамандықтың қоғамдағы беделін көтеру, денсаулық сақтау саласының қызметкерлерінің жоғары әлеуметтік статусын қорғау, медицина қызметкерлерінің ішінен үздік қызметкерді анықтау және жариялау, медициналық тәжірибеге жаңа дәрігерлік технологияларды ендіру мақсатында өткен шара сәлемдесу, тестілеуден өту, тәжірибелік қабілетін көрсету секілді 3 кезеңнен тұрды.
    Байқау қорытындысы бойынша ҚР ІІМ ТЖК «Апаттар медицинасы орталығы» мемлекеттік мекемесі Қызылорда облысы бойынша филиалынының «Шиелі-Бәйгеқұм» күре жолдық медициналық құтқару бекетінің фельдшері Оразалиев Рауан 1-ші орынға ие болды. ҚР ІІМ ТЖК «Апаттар медицинасы орталығы» мемлекеттік мекемесі Қызылорда облысы бойынша филиалынының «Жосалы-Иіркөл» күре жолдық медициналық құтқару бекетінің фельдшері Маханбетов Шыңғыс 2-ші орынды иеленсе, 3-ші орын  Қызылорда облысының Теміржол ауруханасының фельдшерлері Бейсембаева Дана және  Жұмахметова Гүлназға берілді.
    Барлық байқаудың жеңімпаздары Қызылорда облысы ТЖД-нің мақтау қағаздарымен, бағалы сыйлықтармен және шоқ гүлдермен марапатталды. Аталшмыш байқауға «Қоғам ТД» жергілікті телеарнасының өкілдері де шақырылды.