Kyzylorda-News.kz

 

   Қызылорда қаласы әкімінің қолдауымен өткізілетін Қызылорда қаласының дарынды жастарына арналған «Самғау» жастар сыйлығына үміткерлерді қабылдау басталды. Сыйлық – өңіріміздегі қоғамдық жұмыстарға белсене араласатын, білімге, өнерге, ғылымға, спортқа жаны құмар, азаматтық қоғамды қалыптастыруда өзіндік үлес қоса алатын жастарға биік белестерден көрінуіне ықпал жасау, одан әрі шығармашылығын шыңдау, саяси-мәдени, рухани байлығын арттыру, қолдау көрсетіп, көтермелеу мақсатында тағайындалады.

    Сыйлықты қаламыздың 14 пен 29 жас аралығындағы барлық белсенді жастары ала алады.
    Егер сен:
    -    Өз салаң бойынша жоғары жетістіктерге жетіп, жақсы көрсеткіштерге қол жеткізсең;
    -    Әлеуметтік маңызды жобаларды жүзеге асыра отырып, қоғамдық өмірге белсеңді аралассаң;
    -    Мемлекеттік жастар саясатын жүзеге асыруды және жетілдіруді жаңашыл бастамаларды жүзеге асырсаң;
    -    Ерекше қабілет, жетістіктерімен көзге түссең;
    -    Облыстық, республикалық, халықаралық сайыстарды өңір намысын қорғай отырып, жеңімпаз атансаң «Самғау» жастар сыйлығына толық үміткер бола аласын.
    ***
    Қызылорда қаласы жастарына арналған қала әкімінің «Самғау» жастар сыйлығы 100 мың тенге көлеміндегі сыйақы түрінде 10 белсенді жасқа тағайындалады.
    Ендеше, жас дос, өз мүмкіндігінді жіберіп алма!

    ҚҰЖАТТАР: «Болашақ жастары» жастар қоғамдық бірлестігіне тапсырылады. Мекен-жайы Қызылорда қаласы, Ғ. Мұратбаев көшесі 13 А «БАБАС» бизнес орталығының ғимараты №224 кабинет, байланыс телефоны: 8(7242) 23 98 88;
    Құжаттар тізімі:
    -    жұмыс/оқу орнынан, саласы бойынша мемлекеттік мекемелер мен ұйымдардан ұссыным хаттары (қол жеткізген жетістіктері мен марапаттарын көрсете отырып);
        -    түйіндеме (қазақ және орыс тілдерінде жазылған 3х4 фотосуретімен);
    -өмірбаян.
    Құжаттарды қабылдау мерзімі: 2015 жылдың қазан айының 10-шы жұлдызына дейін.