ҚЫЗЫЛОРДАЛЫҚ ПОЛИЦЕЙЛЕР БҮЛДІРШІНДЕРМЕН КЕЗДЕСТІ
Облыс көлемінде өткізіліп жатырған «Абайлаңыз – балалар!» жедел профилактикалық іс-шарасы аясында Әкімшілік полиция басқармасы Білім басқармасының қызметкерлерімен біріге отырып, 2015 жылдың 24 тамызында облыс орталығында орналасқан «Алтын ұя», «Бегім ана» және «Сыр еркесі» мектепке дейінгі мекемелерінде тәрбиеленетін 3-5 жас аралығындағы бүлдіршіндерге арнап жолда жүру ережелері бойынша түсіндірме сабақтарын жүргізді. Сонымен қатар, аталған шара барысында «Жолдос көмекке асығады» мультфильмі көрсетіліп, көрнекі үгіт-насихат құралдары таратылып берілді.
Жасөспірімдердің травматизмін азайту, жол апатын болдырмау және жаяу жүргіншілердің жолды кез келген жерден кесіп өтуінен болатын қайғылы жағдайлардың алдын алу мақсатында Қызылорда облыстық медицина орталығының «Балалар хирургиясы» бөлімінде жол-көлік оқиғасынан және тұрмыстық жарақаттар алған жасөспірімдермен және ата-аналармен кездесу жиындары өткізілді. Ата-аналарға жолда жүру ережесі бойынша түсіндірме жұмыстары жүргізіліп, көрнекі үгіт-насихат құралдары таратылды.
Қызылорда ОІІД баспасөз қызметі
Қызылорда ОІІД баспасөз қызметі
