Kyzylorda-News.kz

 

    Қызылорда қаласы Төтенше жағдайлар басқармасының ұйымдастыруымен   «Сырдария» балалар тынығу-сауықтыру лагерінде жүйелі түрде тынығушыларға   өрт және судағы қауіпсіздік жөнінде түсіндірме жұмыстары жүргізілді. Бұл туралы Қызылорда қаласы ТЖБ баспасөз қызметінен хабарлады.
    Іс-шара барысында «Өрт сөндіру және авариялық құтқару жұмыстары қызметі»  ММ және «Оңтүстік өңірлік аэромобильдік жедел құтқару жасағы» ММ-нің қатысуымен қолданыстағы апаттан құтқару, өрт сөндіру құрал-жабдықтарымен таныстыру, қолдану тәсілдері көрсетілді. Балалар шараға белсенді қатысып, құтқарушыларға сұрақ қойып, арнайы қорғағыш киімдерді киіп, құтқару құралдарын пайдаланып, арнайы жаттықтыралған іздеуші «Лабрадор» тұқымды иттің жаттығуларымен танысты.
    Бұл іс-шараның мақсаты  - балаларға қауіпсіздік шараларын, төтенше жағдайлар орын алған кездегі алғашқы іс-қимылдарды үйрету, жарақат алушыға алғашқы көмек көрсету және өзін-өзі құтқару іс-шараларын қамту,  келешекте Көкшетау техникалық институтына жоғары сынып оқушылары қатарынан түлектерді дайындау болып табылады.
    Тынығушы балалар атқарылып жатқан жұмыстарына қызығушылық танытып, тіпті кейбірі келешекте аталған саланың майталман маманы болуына ниет білдірді.