Kyzylorda-News.kz

 

    Мамандандырылған ХҚКО ашылғалы бері «Ауыл шаруашылығы министрлігі беретін куәліктерді қоспағанда, азаматтарға жүргізуші куәліктерін беру» мемлекеттік қызметі 2 сағат ішінде көрсетілетін болады. Бұл туралы №2 қалалық бөлімінің операциялық зал басшысы А.Әлімбекқызы мәлімдеді.
    Мемлекеттік қызмет көрсету нысаны электрондық және қағаз түрінде жүргізіледі. Портал арқылы жүгінген кезде көрсетілетін қызметті алушыға электрондық сұрау салуды қабылдау туралы хабарлама жіберіледі. Мемлекеттік қызмет ақылы түрде көрсетіледі. Бұл қызмет түріне күннен күнге сұраныс та артуда.
    Айта кету керек, жаз маусымы кезінде жолға қатысушылар саны артады. Біреулер көлікті алғаш рет жүргізуге ниет етсе, енді біреуі мотоциклді жүргізе бастайды.
    Теориялық емтихан тапсырғанда жол қозғалысы ережелері мен жол қозғалысы қауіпсіздігіне және оқу бағдарламасына қатысты көзделген басқа да пәндерден білім тексеріледі. Автоматтандырылған электрондық алаңында көлік құралын жүргізуге практикалық емтихан тапсырылады. Қазіргі уақытта жүргізуші куәлігі Мамандандырылған Халыққа қызмет көрсету орталығында берілетіне халық ризашылығын білдіруде. Айта кетерлігі, жергілікті тұрғындар алысқа сабылмайды. Жүргізуші куәлігіне қажет барлық медициналық анықтамаларды сол орталықтан алады. Емтиханды тиісті жерде тапсырып өткен соң, дайын куәлікті алу қиындық туғызбайды.