РАМАЗАН АЙЫНДАҒЫ ИГІ ШАРАЛАР
ҚМДБ-ның Қызылорда облысы бойынша өкілдігі, орталық «Ақмешіт-Сырдария» мешіті қасиетті Рамазан айының құрметіне ораза ұстаған тұрғындарға жағдай жасап, қайырымдылық шараларын барынша көбейтіп, осы айдың қадір-қасиетін ұғындыруда белсенділікпен атсалысуда, деп хабарлайды Қызылорда облыстық «Ақмешіт-Сырдария» мешітінің баспасөз қызметі.
Қасиетті айда атқарылған шаралардың бірқатарына тоқталар болсақ, ең алдымен әлеуметтік аз қамтамасыз етілген отбасыларына қайырымдылық жасап, оларды азық-түлік, тұрмыстық қажеттілікпен қамтамасыз ету шаралары үздіксіз жүргізілуде.
Сонымен қатар, ҚМДБ-ның Қызылорда облысы бойынша өкілі, орталық «Ақмешіт-Сырдария» мешітінің бас имамы Талғат Омаровтың бастамасымен орталық мешітте күнделікті ауыз бекіткен жамағатқа ауызашар жасалып, бас имамның өзі де көпшілікпен бірге осы шаралардың басында атсалысуда. Мешітке қадам басқан әрбір жамағатқа жеке көңіл бөлініп, Рамазан айының нығметін ұғындыратын ақпараттық жадынамалар таратылып, ораза кестесі де үлестірілуде.
Айта кететін бір жайт, орталық «Ақмешіт-Сырдария» мешітінің ұжымы барлық қызметкерлерге ортақ «Ораза қабыл болсын» ұранымен арнайы киімдер тіктіріп, Рамазан айының қуанышын сүйіншілеуді көркейте түсті.
Ораза ұстап, тарауих намазына ыждағаттылықпен қатысуға келген жамағаттар үшін арнайы автобустар әзірленіп, тарауих намазынан кейін үйді-үйлеріне таратып, жеңілдіктер көрсетілуде. Аталмыш бағыттағы шаралар алдағы уақытта да үздіксіз жүргізілетін болады.
Қасиетті айда атқарылған шаралардың бірқатарына тоқталар болсақ, ең алдымен әлеуметтік аз қамтамасыз етілген отбасыларына қайырымдылық жасап, оларды азық-түлік, тұрмыстық қажеттілікпен қамтамасыз ету шаралары үздіксіз жүргізілуде.
Сонымен қатар, ҚМДБ-ның Қызылорда облысы бойынша өкілі, орталық «Ақмешіт-Сырдария» мешітінің бас имамы Талғат Омаровтың бастамасымен орталық мешітте күнделікті ауыз бекіткен жамағатқа ауызашар жасалып, бас имамның өзі де көпшілікпен бірге осы шаралардың басында атсалысуда. Мешітке қадам басқан әрбір жамағатқа жеке көңіл бөлініп, Рамазан айының нығметін ұғындыратын ақпараттық жадынамалар таратылып, ораза кестесі де үлестірілуде.
Айта кететін бір жайт, орталық «Ақмешіт-Сырдария» мешітінің ұжымы барлық қызметкерлерге ортақ «Ораза қабыл болсын» ұранымен арнайы киімдер тіктіріп, Рамазан айының қуанышын сүйіншілеуді көркейте түсті.
Ораза ұстап, тарауих намазына ыждағаттылықпен қатысуға келген жамағаттар үшін арнайы автобустар әзірленіп, тарауих намазынан кейін үйді-үйлеріне таратып, жеңілдіктер көрсетілуде. Аталмыш бағыттағы шаралар алдағы уақытта да үздіксіз жүргізілетін болады.
