Kyzylorda-News.kz

 

    Балалардың жазғы «Сырдария» 150 бүлдіршін демалатын тынығу – сауықтыру лагерінде ҚР ІІМ Төтенше жағдайлар комитеті «Оңтүстік өңірлік аэромобильді жедел құтқару жасағы» мемлекеттік мекемесінің құтқарушылары Қызылорда облысының ТЖД және «Суда құтқару қызметі» қызметкерлерімен бірігіп орасан зор мереке өткізді. Бұл туралы ӨОАЖҚЖ» ММ хабарлады.
    Ерекше ықыласта іздестіру құтқару жұмыстарын жүргізген кинологиялық есеп өз жұмыстарын көрсетті. Іс шара барысында Қызылорда қаласы төтенше жағдайлар басқармасының бастығы өртке қарсы қызмет полковнигі М.Ибрашев балаларға суға шомылу кезіндегі қауіпсіздік ережелерін сақтау мен отпен ойнаудың қауіптілігі жөнінде айтып өтті. Сонымен қатар құтқарушылар бүлдіршіндерге арнап автотехникалар және авариялық құтқару жұмыстары барысында қолданылатын арнайы жабдықтардың көрмесін дайындады. Барлық демалушы балалар арнайы құтқару құрал жабдықтардың техникалық мінездемесімен және қолдану жұмыстарымен танысты.
    Құтқару бөлімшесінің басшысы Д.Есемұратов және құтқарушы Ж.Кершебаев биік аймақтарда техника қауіпсіздік ережелерін және альпинисттік құралдарды қолдану тәсілдерін түсіндірді. Содан соң өткел көрсету бойынша жаттығу сабақ өткізді.