Kyzylorda-News.kz

 

    Қызылорда облыстық мәслихатының ұйымдастыруымен «Мәслихат аппаратының мәслихаттың жұмысын дамытудағы рөлі» атты тәжірибе алмасу семинары болып өтті.
    Семинарға қалалық, аудандық мәслихат аппараты басшылары қатысты. Семинарға төрағалық еткен облыстық мәслихат аппаратының басшысы Мэлс Қосмамбет жалпы мәслихат аппаратының мәслихат жұмысының дамытудағы рөлін түсіндіре отырып, облыстық мәслихаттың бүгінгі жай-күйі мен таныстырды. Одан соң облыстық мәслихаты аппаратының қызметкерлері Ф.Абдраимова мен Ә.Есенов «Мәслихатты ақпараттандыру жұмыстары»  тақырыбында хабарлама жасап, БАҚ-да облыстық мәслихаттың жариялап жатқан мақалалары мен интернет сайтардағы ақпараттандыру деңгейіне шолу жасап өтті.
    Жиынға белсене қатысып, тұщымды ой-пікірлерін ортаға салған аппарат басшылары мен қызметкерлерге облыстық мәслихаты атынан арнайы сертификат берілді. Семинар қалалық мәслихат аппаратының жұмысымен танысумен жалғасын тапты. Қалалық мәслихат аппаратының басшысы Венера Мейрамқызы ішкі жұмыспен таныстырып, жалпы мәлімет берді.
    Одан соң, халық жазушысы, драматург Қалтай Мұхамеджановтың кітапханасымен танысу болды. Облыстық Ә.Тәжібаев атындағы әмбебап кітапханасының қызметкері кітапхана жайлы және жазушы Қалтай Мұхамеджановтың өмір жолы мен шығармашылығы туралы толық мағлұмат беріп өтті.