ДІНИ АХУАЛДЫ ТАЛҚЫЛАҒАН АЛҚАЛЫ ЖИЫН
14-18 мамыры аралығында Қазақстан Республикасының Мәдениет және спорт министрлігі Дін мәлелелері жөніндегі ғылыми-зерттеу және талдау орталығының «Діни ахуалды талдау және мониторинг бөлімінің» бастығы, бас ғылыми қызметкері Тұрар Әбуов, аға ғылыми қызметкері Еркеш Қожбанхан, аталған орталықтың исламды зерттеу бөлінің бас ғылыми қызметкері Марлен Мүслимов облысымызға іс-сапармен келді.
Аталған ғылыми қызметкерлер алдымен Қызылорда облыстық ішкі саясат басқармасының діни бірлестіктермен жұмыс жасау бөлімінің жұмыс жоспарларымен жылдық, тоқсандық есептерімен және талдамалық құжаттарымен танысып өтіп, содан кейін Арал ауданында өткен «Рухани құндылықтар-зайырлылық кепілі» тақырыбындағы конференцияға қатысып, аудандағы мектеп оқушыларымен және ішкі саясат бөлімінің мемлекеттік дін саясаты бойынша атқарылып жатқан жұмыстарымен танысты. Аталмыш шаралардан кейін Қызылорда қаласындағы Қорқыт Ата атындағы ҚМУ-нің студенттер сарайының дөңгелек үстелінде «Қазіргі діни ахуал жағдайындағы дәстүрлі рухани құндылықтар және ішкі тұрақтылық мәселелері» тақырыбында өткен оқыту семинарына қатысты. Семинарға облыстық, қалалық ішкі саясат бөлімінің басшылары және мамандары, жастар орталықтарының басшылары, дін мәселелерін зерттеу орталығының қызметкерлері, мәдениет бөлімінің қызметкерлері, ҮЕҰ өкілдері, оңалту жұмыстарымен айналысатын орталық жетекшілері, дін қызметкерлері, дінтану негіздері пәнінің оқытушылары және қала тұрғындары қатысты.
