ОРАЛДА ЖҮРГІЗУШІЛЕР БЕНЗИН ТАППАЙ СЕНДЕЛІП ЖҮР
Оралдағы автожүргізушілердің басым бөлігі кешегі күнді жанармай бекеттерінде кезекте тұрып өткізді. Бұл жағдай бензин тапшылығына байланысты болып отыр. Қазір тек екі компания қолма-қол ақшаға небәрі 20 литрден жанармай сатуда.
Өзгелері оны тек талонмен береді. Тіпті жұмысын уақытша тоқтатқан бекеттер де бар. Сондықтан жүргізушілер көлігіне жанармай іздеп қаланы шарлап жүруге мәжбүр деп хабарлайды КТК арнасы.
Ал антимонополистер жағдайдың неліктен бұлай ушыққанын анықтауға кірісті. Оралдағы көлік жүргізушілері жанармай тапшылығын бірнеше күн бұрын сезе бастапты.
Бастапқыда бензин тек бірер бекетте ғана жоқ болса, қазір оны табу қиынға соғуда.
"Барлығы дүрлігіп жатыр. Жарты күн бойы кезекте тұрмыз. Биліктегі адамдар қайда қарап отыр?! Осыған араласатын уақыттары келген шығар", - дейді қала тұрғыны Райбек Қайыров.
Жоғары октанды жанармай саудалап келген бекеттер жүргізушілерді өз таблосымен қуанта қоймады. Олар бензинді тек талонмен жіберуде. Ал жиналған қорының арқасында қолма-қол ақшаға сатып жатқандары 20 литрден артық құймайды. "Газ да бензин де жоқ. Неге бұлай. Мұнайға бай елде қалайша бензин жоқ. Айтыңызшы?", - деп налиды басқа жүргізуші Андрей Лопухов. Қалыптасқан жағдайдың шығу себебін монополияға қарсы инспекция мамандары анықтауда. Олар қордағы жанармайдың қайда кеткенін тексермек. Және кәсіпкерлердің өзара сөз байласу мүмкін бе, соны анықтайды. Ал кәсіпкерлер отандық зауыттардың ішкі сұранысты қанағаттандыра алмайтынын айтуда. Оның үстіне ресейлік отынға шектеу қойылғандықтан шарттар бұзылыпты. Сондай-ақ, дала жұмыстары қызған шақтағы тапшылық та кері әсер еткен көрінеді. Жанармай құю бекетінің иесі Мұрат Жекебаев: "Бұл жағдайда тек сұраныстың азаюын ғана күте аламыз. Сұраныс азайса жағдай оңалар. Бірақ бұл тек күздің басында ғана болуы мүмкін", - дегенді алға тартты. Қалай десек те, осы тамыз бен қыркүйекте жүргізушілер жанармайдан қысылатын болады. Осылайша мамандардың сөзіне сенсек, алдағы уақытта жүргізушілердің жанармай бекеттерінің алдында ұзын-сонар кезекте тұруы қалыпты жағдайға айналуы мүмкін.
Өзгелері оны тек талонмен береді. Тіпті жұмысын уақытша тоқтатқан бекеттер де бар. Сондықтан жүргізушілер көлігіне жанармай іздеп қаланы шарлап жүруге мәжбүр деп хабарлайды КТК арнасы.
Ал антимонополистер жағдайдың неліктен бұлай ушыққанын анықтауға кірісті. Оралдағы көлік жүргізушілері жанармай тапшылығын бірнеше күн бұрын сезе бастапты.
Бастапқыда бензин тек бірер бекетте ғана жоқ болса, қазір оны табу қиынға соғуда.
"Барлығы дүрлігіп жатыр. Жарты күн бойы кезекте тұрмыз. Биліктегі адамдар қайда қарап отыр?! Осыған араласатын уақыттары келген шығар", - дейді қала тұрғыны Райбек Қайыров.
Жоғары октанды жанармай саудалап келген бекеттер жүргізушілерді өз таблосымен қуанта қоймады. Олар бензинді тек талонмен жіберуде. Ал жиналған қорының арқасында қолма-қол ақшаға сатып жатқандары 20 литрден артық құймайды. "Газ да бензин де жоқ. Неге бұлай. Мұнайға бай елде қалайша бензин жоқ. Айтыңызшы?", - деп налиды басқа жүргізуші Андрей Лопухов. Қалыптасқан жағдайдың шығу себебін монополияға қарсы инспекция мамандары анықтауда. Олар қордағы жанармайдың қайда кеткенін тексермек. Және кәсіпкерлердің өзара сөз байласу мүмкін бе, соны анықтайды. Ал кәсіпкерлер отандық зауыттардың ішкі сұранысты қанағаттандыра алмайтынын айтуда. Оның үстіне ресейлік отынға шектеу қойылғандықтан шарттар бұзылыпты. Сондай-ақ, дала жұмыстары қызған шақтағы тапшылық та кері әсер еткен көрінеді. Жанармай құю бекетінің иесі Мұрат Жекебаев: "Бұл жағдайда тек сұраныстың азаюын ғана күте аламыз. Сұраныс азайса жағдай оңалар. Бірақ бұл тек күздің басында ғана болуы мүмкін", - дегенді алға тартты. Қалай десек те, осы тамыз бен қыркүйекте жүргізушілер жанармайдан қысылатын болады. Осылайша мамандардың сөзіне сенсек, алдағы уақытта жүргізушілердің жанармай бекеттерінің алдында ұзын-сонар кезекте тұруы қалыпты жағдайға айналуы мүмкін.
