Kyzylorda-News.kz

 

    Бүгін облысымызға Қазақстан Журналистер Одағының төрағасы Сейітқазы Матаев бастаған бір топ республикалық БАҚ жетекшілері келді. Қонақтар алдымен «Сыр медиа» ЖШС ғимаратындағы Т.Жүргенов атындағы шығармашылық үйінде болды. Серіктестік директоры Аманжол Оңғарбаев «Айқын» газетінің редакторы Нұртөре Жүсіп, «Түркістан» газетінің редакторы Шамшидин Паттеевке алдымен жергілікті облыс және аудандық газеттер заманауи құрылғылармен басылып шығатын типография жұмысымен таныстырды.
    Онан кейін қонақтар облыстық басылымдардан бөлек қалалық «Ақмешіт апталығы», жастар басылымы «Ақмешіт жастары» газеті орналасқан Шығармашылық үйін аралап шықты. Қонақтарға кең және ыңғайлы кабинеттер ұнады.  Сонан соң ардагерлер кеңесінің төрағасы Әскербек Рахимбековпен жүздесті.
    Шынар БЕКБАН