Kyzylorda-News.kz

 

    ҚР ІІМ ТЖК Қызылорда облысы Төтенше жағдайлар департаментінің Азаматтық қорғаныс басқармасының ұйымдастыруымен Департаментке қарасты мекемелер арасында 2015 жылдың 26 ақпан күні 1-наурыз Халықаралық  Азаматтық  қорғау күніне орай волейболдан турнир өтті. Бұл туралы ТЖД баспасөз қызметі хабарлайды.
    Турнирге 7 құрама команда қатысты. Жарыс қорытындысы бойынша бірінші орынды «Құтқарушы» АҚ ұтып алды. екінші орынды Төтенше жағдайлар департаменті, үшінші орынды «ӨСжАҚЖҚ» ММ-нің құрама командалары иеленді. Жүлделі орын алғандарға өтпелі кубок, бағалы сыйлықтар мен марапаттау грамоталары табыс етілді.

      Аталған іс-шара 27 ақпанда «Оңтүстік өңірлік аэромобильдік жедел құтқару -  жасағы» ММ-нің ауласында Ашық есік күнімен жалғасты. Шараға Қызылорда қаласының «Абылайхан», «Жас өркен» колледждерінен 90 студент, №211, №136 орта мектептерінің оқытушылары мен оқушылар қатысты.    

 

    Атаулы күнде төтенше жағдайлар кезіндегі іс-әрекеті бойынша практикалық іс-шаралар және төтенше жағдайлардың алдын алу мен жою, халықты апаттардан қорғау мен алғашқы медициналық көмек көрсету бағытына арналған күш-құралдар, медициналық көмек көрсету құрылғылары тағы да басқа аспаптардың көрмесі ұйымдастырылды.

 

    Сонымен қатар 1-наурыз Халықаралық Азаматтық Қорғау күніне арналған «Тұрақты даму тұрғысында Азаматтық қорғау және зілзалалардың қауіп-қатерлерін болдырмау үшін азаматтық қоғам дайындау» тақырыбында «Дарын» оқу-орталығының мәжіліс залында 45 минуттық сабақпен бірге дайындалған слайд материалдары көрсетілді.
    Өткізілген интерактивтік сабақты тамашалаған оқушылар жақсы әсерде болып, өз пікірлерін ортаға салды.