Kyzylorda-News.kz

 

    Ә.Тәжібаев атындағы облыстық кітапхананың балалар әдебиеті бөлімі  «Масленица» - «Құймақ»  фольклорлық мерекесін өткізді.     
    Дәстүрлі Масленица – қысты шығарып салу мен көктемді қарсы мерекесіне арналған.  Ұлы ораза алдындағы бір апта бойына жалғасатын мереке.
    «Масленица» - «Құймақ»  фольклорлық мерекесіне «Славяне» қоғамдық-мәдени  орталығы өкілдері,  №233 Ж.Нұрсейітов  атындағы орта мектеп және мектеп жанындағы «Шаңырақ» клубы, №217 Б.Шалғынбаев атындағы орта мектептің,  №23 Ж.Қизатов атындағы, №264  мектеп-лицейдің оқушылары және «Олимп» балалардың бос уақытын өткізу орталығының бүлдіршіндері қатысты.   Масленицада  қатысушылар  би билеп,  ән салып,   түрлі спорттық ойындар ойнады. «Славяне» қоғамдық-мәдени  орталығының төрайымы Галина Щербакова және кітапхана басшысы Нұржамал Мырзамұратова барлық қатысушыларды мерекемен құттықтады. «Славаяне» қоғамдық-мәдени орталығының өкілдері частушкалар айтып, би биледі.
    Мерекеге   қатысушылар   дәстүрлі   дастархан  мәзірінен   дәм татып,  мерекелік шараны  тамашалады.  
    Кітапханада «Широкая  масленица»  атты  орыс салт-дәстүрлеріне арналған кең көлемді суретті кітап көрмесі ұйымдастырылды.