Kyzylorda-News.kz

oldkaz.kyzylorda-news.kz. Қармақшыда «Nur Otan» партиясы аудандық филиалының кезектен тыс ХХVІІ конференциясы өтті.
Конференцияны «Nur Otan» партиясы Қызылорда облыстық филиалы төрағасының бірінші орынбасары Ақмарал Әлназарова ашып, жүргізіп отырды.
Оған Қармақшы ауданының әкімі Мұса Қалдарбеков, аудандық партия филиалы төрағасының бірінші орынбасары Дастан Буханов және аудандық партия филиалы Саяси кеңесінің мүшелері, аудандық мәслихат депутаттары қатысты.
Сондай-ақ, жиында кент пен ауылдық округтерінің әкімдері, дербес бөлім басшылары, үкіметтік емес ұйымдарының өкілдері, еңбек және партия ардагерлері, «Jas Otan» Жастар қанатының мүшелері мен бұқаралық ақпарат құралдарының өкілдері де болды.
Күн тәртібінде 6 мәселе қаралды.
Жиында алғашқы болып «Nur Otan» партиясының алдында тұрған міндеттері туралы Ақмарал Әлназарова баяндама жасады.
Жиында «Nur Otan» партиясы Қармақшы аудандық филиалының төрағасын сайлау, аудандық филиалдың Саяси кеңесінің құрамына өзгерістер енгізу, партияның аудандық филиалының және  Партиялық бақылау комиссияның 2019 жылдың 10 айында атқарылған жұмыстары сараланды.
Сонымен қатар, аудандық мәслихаттағы «Nur Otan» партиясы депутаттық фракциясының ағымдағы жылдың 10 айында атқарған жұмыстары туралы хабарламалары тыңдалды.  
Айта кетейік, конференцияда «Nur Otan» партиясы Қармақшы аудандық филиалының төрағасы болып Қармақшы ауданының әкімі Қалдарбеков Мұса Оспанұлы сайланды.