Қызылордада жоғалған балықшының денесі табылды
oldkaz.kyzylorda-news.kz. Арал теңізінде жоғалып кеткен екі балықшының бірінің денесі табылды.Арал аудандық жұмылдыру дайындығы және аумақтық қорғаныс бөлімі басшысы Шерхан Есжанов жоғалып кеткен екі балықшының бірінің денесі табылғаны туралы мәлім етті. Балықшының денесі №8 балық учаскесі аумағынан табылған. Қайықтағылар №16 учаскеде балық аулаған.
«Марқұм Арал қаласында тұрады. Теңізден іздестіріліп жатқан екінші балықшы Қызылорда қаласының тұрғыны. Ол да аталған шаруа қожалығында еңбек еткен», - деді Шерхан Есжанов.
Айта кетейік, 2 қарашада Арал теңізіне балық аулауға шыққан екі балықшы жоғалып кеткенін хабарлаған едік.
