Kyzylorda-News.kz

 

    «Жастар бастамалары қоры» қоғамдық қоры Қазақстан Республикасы Білім және ғылым министрлігі Жастар ісі комитетінің тапсырысы бойынша 2014 жылдың 10-30 тамызы аралыгында жастар ұйымдарының арасында әлеуметтік маңызды жобалар байқауын өткізеді.
    Байқаудың мақсаты:
    - жергілікті әлеуметтік маңызды өзекті мәселелерді шешуге бағытталған жобаларды іске асыруда жастар үкіметтік емес, коммерциялық емес ұйымдарын қолдау.
    Байқау міндеті:
    - жастар ұйымдарының әлеуметтік маңызы бар жобаларын сараптау;
    - жастар ұйымдарының табысты әлеуметтік маңызды жобалары жайлы ақпарат тарату;
    - жастар ұйымдарының ең табысты әлеуметтік маңызды жобаларын қолдау.
    Байқауға қатысу:
    Байқауға барлық коммерциялық емес, үкіметтік емес жастар ұйымдары қатыса алады, сондай-ақ, ауылдық елдімекендерден қатысушыларға басымдық беріледі.
    Байқауға қатысушылар өтінім үлгісін толтырып yfundkz@gmail.com электрондық поштасына жіберулері тиіс.
    ЖБҚ өтінімдері келесідей ақпаратты қамтуы қажет:
    1)    Жобалық өтінім
    2)    Бюджет және оның толық негіздемесі
    3)    Жоба орындаушыларының паспорт/жеке куәлік көшірмелері мен түйіндемелері
    4)    Ұйым жарғысы мен ұйымды тіркеу куәлігінің көшірмесі
    Байқауға ұсынылған материалдар рецензияланбайды және қайтарылмайды.
    2014 жылдың  30 тамызы сағат 24:00 ЖБҚ-на өтінім берудің соңғы мерзімі болып есептеледі.
    Аталған мерзімнен кейін түскен өтінімдер қаралмайды.
    Іріктеу критерийлері
    -    Әлеуметтік маңыздылық
    -    Тиімділік
    -    Өңірлік ұсынылуы
    -    Ерекшелік
    Жеңімпаздар
    Жобаға қатысу қорытындысы бойынша бес жеңімпаз анықталады, олардың әрқайсысына бағалы сыйлықтар беріледі және жобаны жүзеге асыру үшін 500 000 теңгеден кем емес сомада грант бөлінеді. Жеңімпаздар жайлы ақпарат Қордың веб-сайтында және әлеуметтік желілердегі Қордың ресми аккаунттарыда жарияланады.
    Өтінімдерді беру және қарастыру тәртібі
    Толтырылған өтінімдер yfundkz@gmail.com электрондық мекенжайына жіберілуі тиіс.
    «Хабарлама тақырыбы/subject» жолағында «NGO» деп көрсетуіңізді сұраймыз.
    Барлық түскен өтінімдер тіркеліп, Қормен мұқият қарастырылатын болады. Қажет болған жағдайда Қордың өтінім берушіден осы байқауға қатысты қосымша ақпарат сұрауға құқығы бар.  
    Өтінімдер рецензияланбайды және қайтарылмайды. Өтінім берушілердің назарына, Қор қабылданбаған өтінімдер бойынша түсініктеме бермейді.
    Егер сұрақтар туындайтын болса yfundkz@gmail.com электрондық поштасына және 8 (7172) 65-02-17 телефонына хабараласуыңызды сұраймыз.