3 қараша: Атаулы күндер мен оқиғалар
1835 жылы қазақтың ұлы ғалымы, ағартушы, тарихшы, этнограф Шоқан Уәлиханов дүниеге келді.1907 жылы Францияда әлемдегі алғашқы тікұшақ әуеге көтерілді;
1928 жылы Түркия араб әліпбиінен латынға ауысты.
1957 жылы КСРО бортында Лайка иті бар «Спутник-2» ғарыш аппаратын ұшырды.
1992 жылы Түркияның Ыстанбұл қаласында түркі әлемі жазушыларының құрылтайы өтті.
1994 жылы республикалық "Заң" апталық газеті жарық көрді.
2014 жылы Қазақстан Республикасының Италиядағы Елшілігі Азия және Жерорта теңізі мәселелері жөніндегі итальяндық институтпен (ISIAMED) бірлесіп, Италия парламенті ғимаратында жаппай қырып-жою қаруын таратпау және ядролық қарусыздандыру аясында Қазақстан Республикасының бастамасы мен АТОМ жобасының тұсаукесерін өткізді.
2014 жылы ҚР Тұңғыш Президенті-Елбасы Нұрсұлтан Назарбаев экстремизм мен терроризмге қарсы іс-қимыл шараларын күшейтуге бағытталған «Қазақстан Республикасының кейбір заңнамалық актілеріне экстремизмге және терроризмге қарсы іс-қимыл мәселелері бойынша өзгерістер мен толықтырулар енгізу туралы» Қазақстан Республикасының заңына қол қойды.
2015 жылы Мәскеуде өткен Ресей Халықтары форумы аясында Қазақстан халқы Ассамблеясы мен Ресей халықтары Ассамблеясы өзара ынтымақтастық туралы меморандумға қол қойды.
