Kyzylorda-News.kz

Бүкіл әлемде вегандар кәсіби мерекесін тойлайды. Төл мейрамдарынан бөлек, өздерінің жеке қоғамы да бар: оны вегандықтың негізгі идеологтарының бірі  Дональд Уотсон құрған. Айтпақшы, "веган" сөзін қолданысқа енгізген де осы адам. Вегандық – вегетериандықтың ең қатал түрлерінің бірі. Бұлардың қатарына қосылғысы келетіндердің есте сақтағаны жөн: веган болу үшін еттен ғана бас тартпайсыз, жұмыртқа, сүт тағамдары, бал және басқа жануар өнімдерін аузыңызға алмауға тиіссіз. Сонымен бірге, тері, жүн, жібектен тігілген киімдерді ұмытасыз. Жануарлар арқылы сынақтан өткен бүкіл өнім мен дәрі-дәрмекке тыйым салынады. Ең танымал вегандар — Клинт Иствуд, Натали Портман, Моби, Лени Кравец, Пол МакКартни, Брайан Адамс және т.б. Осы жұлдыздардың арқасында бұл бағыт сәнге айналып бара жатыр.

Күнделікті кофе ішпесе тұра алмайтын жандар аз емес. Бірақ хош иісті сусынға әбден қанған соң, неге болашаққа болжам жасап көрмеске? Кім біледі, ерекше өрнектер алдағы өміріңіз туралы хабар беретін шығар. Бір қызығы, Ресейде Петр І кофені алғаш елге алып келген сәттен бастап бал ашу әдеті пайда болды. Әсіресе байлар қатты сеніп, болашағын білу үшін сығандарды үйлеріне шақыратын болған.

Ұйымдастыру қабілетіңіз жоғары, біліміңіз мол, ойыңыз жүйрік болса, онда бүгін сіздің төл мерекеңіз. Ештеңеден жасқанбай идеяңызды іске асырыңыз, бәлкім, басшылық бұл дарыныңызды байқап, тасыңыз өрге домалайтын шығар.

1945 жылы Арал теңізі обаға қарсы күрес станциясы құрылды.

1985 жылы спортшы, зілтемірші, Қазақстан ұлттық құрамасының мүшесі Майя Манеза дүниеге келді.

1997 жылы Ұлан-Баторда Қазақстанның Моңғолиядағы Елшілігінің ашылу салтанаты өтті.

2005 жылы Қызылорда облысындағы көне заман тұрақтарындағы қазба жұмыстары кезінде бірегей заттар табылды.

2010 жылы ұшқыш-ғарышкер, Қазақстан халық Батыры, ҚР авиациясының генерал-лейтенанты Талғат Мұсабаев Құрметті легион ордені Францияның жоғары наградасына ие болды.

2011 жылы ҚР Ұлттық банкі номиналы 50 000 теңге «proof» сапалы алтын монетаны, номиналы - 5000 теңге және 500 теңге күміс монетаны, сонымен қатар номиналы - 50 теңге нейзильбер монеталарын қолданысқа енгізді. Олар Қазақстан Республикасы Тәуелсіздігінің 20 жылдығына арналды.