26 қазан: Атаулы күндер мен оқиғалар
Бұл күні АҚШ, Еуропа және Латын Америкасының кей мемлекеттері ене күнін атап өтедіБастапқыда бұл күнді әзіл ретінде атап өтетін болған. Кейін көптің көңілінен шықса керек, күнтізбеге мереке ретінде енгізілді. Бұл күні әр күйеу бала енесіне өзіне тамаша жар бола білген қызды тәрбиелеп бергені үшін алғыс айтып, сыйлық сыйлайды.
Халықаралық қағазсыз күн (жаңа технологиялар)
Бұл акция жыл сайын қазанның төртінші бейсенбісінде өткізіледі. Оның мақсаты - әр ұйымның табиғи ресурстарды сақтауға қандай үлес қоса алатындығын нақты мысал арқылы көрсету және заманауи, қағазсыз технологияларға әлемдегі компаниялар мен адамдардың назарын аудару.
1944 жылы Самароков Николай Николаевичке Кеңес Одағының батыры атағы берілді.
1963 жылы өткен ғасырда Рауль Кастроның Бауыржан Момышұлына сыйға тартқан таяғы Құрманғалиевтер отбасына берілді.
Бірегей жәдігері Семейде сақтаулы тұр. Оразғайша Құрманғалиеваның айтуынша, оған аты аңызға айналған қолбасшының таяғын актриса әпкесі берген екен. Ол Мәскеуге гастрольдік сапармен барғанда Бауыржан Момышұлымен кездейсоқ кездесіп қалған екен, сол кезде даңқты батыр актрисаға осы таяқты сыйға тартқан.
1969 жылы "Гүлдер" эстрадалық жастар ансамблі ашылды.
2006 жылы Астанада Ауғанстан соғысына қатысушыларға арналған "Боздақтар мәңгі жадымызда. 1979-1989" атты естелік кітаптың тұсаукесер рәсімі болып өтті.
2009 жылы Нұр-Сұлтандағы Бейбітшілік және келісім сарайында Нұрсұлтан Назарбаевтың төрағалығымен Қазақстан халқы ассамблеясының 15-ші сессиясы өтті.
2014 жылы Мәскеу ұлттар үйінде қазақ ақыны Ілияс Жансүгіровтің 120 жылдығына арналған шығармашылық кеш өтті.
2015 жылы Қазақстан Республикасының мəдениет жəне спорт министрлігі Италияның мұрағатынан Дешті Қыпшақ кезеңінде жазылған "Кодекс куманикустың" электронды нұсқасын елімізге əкелді.
