Kyzylorda-News.kz

1963 жылы Байқоңырда "Р-9А" құрлықаралық баллистикалық зымыранын сынақтан өткізу кезінде, жанармай құйылған зымыранның шахталық-іске қосу құрылғысында өрт шығып, 8 адам көз жұмды.

БҰҰ биыл 71 жылдығын атап өтіп жатыр. Бүгінде ұйым құрамында 193 мемлекет бар. БҰҰ – бітімгер ұйым, осы ұйымның жұмысының арқасында елдер арасындағы дау-жанжал, текетірестің алдын алу мүмкіндігі бар. Сондай-ақ, ол қиын жағдайда қалған мемлекеттерге қол ұшын созады. БҰҰ эмблемасы – бидай масақтарымен қоршалған жер шары.

Бүкіләлемдік даму мақсатындағы ақпарат күні БҰҰ Бас Ассамблеясының шешімімен атап өтіледі. Қарусыздану апталығы Бүкіләлемдік бейбітшілік кеңесі мен Қарусыздану жөніндегі БҰҰ Бас Ассамблеясының арнайы сессиясының шешімімен қазанның 24-і мен 31-і аралығында жыл сайын атап өтіледі.

"Жүйкеге тию" тіркесін ежелгі заманның дәрігерлері ойлап тапқан екен. Өйткені ақхалаттылар жүйкені музыкалық аспаптардың ішегіне ұқсатқан.

Бұл күні жұмыстан ерте кетуге бола ма, болмай ма, басшылық сыйақы бере ме, бермей ме,  – ол жағын біз білмейміз. Десе де бастығыңызды төл мерекесімен құттықтаған абзал, бәлкім, жолыңыз болып қалар.

2009 жылы «Байқоңыр» ғарыш айлағында оттегі-азот зауыты іске қосылды. Ол зымырантасығыштарды ұшыру үшін отын компоненттерін өндірумен айналысатын болады. Зауыт жылына екі рет - күздің екінші жартысында және қыстың аяғында жұмыс істейтін болады.

2013 жылы Қазақстанда қазақ тіліне аударылатын өзекті 100 кітапты анықтау үшін онлайн дауыс беру жүргізілді. «100 кiтап - 100 книг» жобасы - бұл мемлекеттік тілге аударылуға ұсынылатын өзекті кітаптарды анықтау байқауы. Байқау мақсаты - қазақ тіліне аудару үшін қазақстандық оқырмандар арасында танымал кем дегенде жүздеген кітаптардың тізімін құру.

2014 жылы ҚР мемлекеттік кинофотоқұжаттар мен дыбыс жазбалар мұрағатында қазақ киносының классигі Шәкен Аймановтың 100 жылдығына арналған деректі фильм таныстырылды.