Жаңақорған ауданының әкімі спорт шеберлерін құттықтады
oldkaz.kyzylorda-news.kz. Жаңақорған ауданының әкімі Сұлтан Мақашов мен аудандық мәслихат хатшысы Ерғали Орман қол күрестен халықаралық дәрежедегі спорт шеберлері, Азия чемпионатының жүлдегерлері Абусейт Реметов мен Радбек Фазыловты қабылдап, жеңісімен құттықтады.
Естеріңізде болса, 3-7 қазан күндері Алматы қаласында өткен қол күрестен Азияның ашық кубогінде қос спортшы жеңіс төрінен көрініп, 2 орынға қол жеткізген болатын. Шыңғыс Азнабаевтан тәлім алатын бұл спортшылар келер жылы Румынияда өтетін әлемдік додаға қатысуға жолдама алды.
