Kyzylorda-News.kz

 

    Сот ғимаратында судьялардың, сот қызметкерлерінің, сот процесіне қатысушы тұлғалардың, сонымен қатар мүліктердің кауіпсіздіктерін қамтамасыз ету, заңмен бекітілген қоғамдык тәртіпті сақтау мақсатында арнайы Ереже бекітілген.
    Азаматтардың сот ғимаратында болу тәртібі сот жасауылдары, соттар ғимараттарының күзет қызметі қызметкерлерімен жүзеге асырылады.
    Сот ғимаратына кіргізу турникет арқылы жүргізіледі.
    Сот ғимаратына қарумен, улы, химиялық, тез жанатын заттармен, кесу-шаншу құралдарымен кіруге тыйым салынады.
    Сот ғимаратына келушіге:
    - судьяның немесе сот қызметкерінің рұқсатынсыз қызметтік үй-жайларда болуға;
    - қамаудағы тұлғаларды ұстауға арналған үй-жайлардың жанында болуға;
    - сот ғимаратынан немесе қызметтік үй-жайдан танысу үшін алынған қужаттарды алып кетуге;
    - судьялар және сот қызметкерлерімен іс жүргізушілік емес өзара қатынастарға түсуге;
    - тақтадан сот құжаттарының үлгілерін алуға, сонымен қатар оған жеке, үгіттік және жарнамалық хабарландыруларды орналастыруға;
    - соттар ғимараттарында және қызметтік үй-жайларда алкогольдік, есірткелік және токсикалық мас күйінде болуға;
    - сот мәжілісі залында ұялы байланыс құралдарын пайдалануға;
    - шылым шегуге арналған орындардан басқа жерлерде темекі тартуға тыйым салынады.
    Сот төрелігін жүзеге асыруға кедергі жасау, сотқа кұрметтемеушілік көрсету, ғимараттардағы және қызметтік үй-жайлардағы қоғамдық тәртіпті бұзу, сот мәжілісі залдарында бекітілген тәртіпті қамтамасыз етуші судьялардың сот қызметкерлерінің және соттар ғимараттарының күзет қызметі қызметкерлерінің сотта бекітілген тәртіпті бұзу әрекеттерін тоқтату жөніндегі заңды өкімдерін орындамау, және басқа да құқыққа қарсы іс-әрекеттер жасау, заңнамада көрсетілген жауапкершілікке алып келеді.
    Тимур АҚПАНБЕТОВ,
    қылмыстық істер жөніндегі мамандандырылған
    ауданаралық сотының аға сот приставы