11 қазан: Атаулы күндер мен оқиғалар
Халықаралық қыздар күні2012 жылы БҰҰ Бас Ассамблеясы бекіткен. Бұл күнді мерекелеудің мақсаты - бүкіл әлемдегі қыздардың теңсіздік және әлеуметтік мәселелеріне назар аударту. Олардың ішінде білім алу, толыққанды тамақтану, медициналық қызмет алу, кемсітушіліктен, зорлық-зомбылықтан, бала кезінен мәжбүрлеп некеге тұрғызудан қорғау мәселелері бар.
Аргентинада мұғалімдер күні
Ұлы ағартушы, елдің бұрынғы президенті Доминго Фаустино Сармьентоның (1811-1888) қайтыс болған күніне орай жыл сайын атап өтіледі.
1961 жылы Семей полигонында алғаш рет жерасты ядролық жарылысы жасалды (КСРО-ның жер үстіндегі ядролық жарылысы да осы Семей жерінде 1949 жылы тамыздың 29-да жасалған болатын).
1978 жылы Қызылорда облысы Тасбөгет қыстағында №172 сегіз жылдық мектеп ашылды.
1994 жылы «Қазақтелеком» ҰАҚ компаниясы құрылды.
1996 жылы Ресейдің Астрахань облысы Володар ауданында ұлы күйші Құрманғазыны еске алу күндері өтті.
1997 жылы Қазақстанда «Қазақстан-2030» стратегиялық бағдарламасы қабылданды.
1997 жылы Қазақстан Республикасы Қарулы Күштерінің Әскери академиясы құрылды.
2008 жылы Арал ауданы Шижаға елді мекенінде мешіт ашылды.
