4 қазан: Атаулы күндер мен оқиғалар
Адамзат үшін ғарышты игеру дәуірінің басталған күні. 4-10 қазан - Дүниежүзілік ғарыш апталығы 1957 жылы 4 қазанда Байқоңыр ғарыш айлағынан ғаламшар тарихында алғаш рет жердің жасанды серігі ұшырылды. 1967 жылдың қыркүйек айында Халықаралық астронавтика федерациясы бұл күнді мереке ретінде жариялады. Ғарыш ғылымы мен технологиясының жер бетіндегі адамзаттың өмірін жақсартуға қосқан үлесін ескеру мақсатында 1999 жылғы 6 желтоқсандағы БҰҰ Бас Ассамблеясының 54/68 қарарына сәйкес атап өтіледі.Астрономия күні
Астрономия күнін тойлау идеясы Солтүстік Каролина Астрономиялық қауымдастығының президенті Дуг Бергерге тиесілі. Ол алғаш рет 1973 жылы жарияланды.
1957 жылы Қазақстанда Байқоңыр айлағынан құрлықаралық баллистикалық зымыран көмегімен орбитаға алғашқы жасанды серік ұшырылды. Ол жердің жақын нүктесі перигейде 228 шақырым және алыс нүкте - апогейде 946 шақырымға көтеріліп, жылдамдығы 28 565 км/сағ. дейін жетті.
1991 жылы Гурьев қалалық Халық депутаттары кеңесі облыс орталығының атауын Атырау қаласы деп өзгерту туралы шешім қабылдады.
1994 жылы Ангола Республикасымен Дипломатиялық қарым-қатынастар орнату туралы хаттамаға қол қойылды.
1995 жылы Қазақстан Республикасы 1961 жылғы Сыртқы сауда арбитражы туралы Еуропа Конвенциясына қосылды.
2006 жылы «Қызылорда облысының денсаулық сақтау департаментінің медициналық-ақпараттық талдау орталығы» шаруашылық жүргізу құқығындағы МКК құрылды.
2012 жылы «Қазпошта» АҚ режиссер Мәжит Бегалиннің 90 жылдығына арналған көркемсуретті марканы айналымға енгізді.
