Шиеліде газдандыру жұмысы жалғасуда
oldkaz.kyzylorda-news.kz. Шиеліде барлығы 40 бюджеттік нысан бар. Оның 27-і газға қосылған, ал 13 нысан газ желісіне қосуға жұмыс жүргізілуде.
Бүгінгі таңда Шиеліде газ кіргізуге тиісті 5600 тұрғын үйдің 5350-нің өтініштері тіркелген. Оның 5336-і газ пайдаланып отыр. Сонымен қатар ауданға жақын елді мекендерге тұрғындар есебінен газ кіргізу жұмыстары жүруде. Өткен жылы Ы.Жақаев ауылына газ берілсе, биыл Бидайкөл ауылына газ кіргізілді. Ал Н.Бекежанов, Алғабас, Ш.Қодаманов елді мекендерін газға қосу жобасы сараптамадан өту үстінде.«Табиғи газға байланысты дайындық қалыпты. Электр энергиясы, газ, ауыз су тұрақты берілуде. Ауданда қордаланға қарыз жоқ. Жалпы жылу беру маусымы кезінде әлеуметтік нысандарда жауапты тұлғалардан кезекшілік ұйымдастырылып, қатаң бақылауда болады, – дейді тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Дана Аман.
