Туу туралы куәлікке телеграм-бот арқылы тапсырыс беруге болады
oldkaz.kyzylorda-news.kz. Енді телеграм-боты арқылы ұсынылатын мемлекеттік қызметтердің тізімі тағы екі қызметке толықты. Бұл туралы «Азаматтарға арналған үкімет» мемлекеттік корпорациясы КЕ АҚ Қызылорда облысы бойынша филиалы хабарлады.
![](https://oldkaz.kyzylorda-news.kz/uploads/posts/2019-09/1569840165_30metirke1.jpg)
«Мемлекеттік қызметтерді телеграм-бот арқылы алу үшін «Мобильді азаматтар базасына» тіркелу қажет. Яғни, eGov.kz порталындағы жеке кабинетке телефон нөміріңізді ЖСН-ге бекітіп, өз гаджетіңіздегі Telegram мессенджерінде ботты іске қосу керек. Сосын алдын-ала белгіленген командаларды жолдап, SMS-кодпен растау арқылы анықтамалар мен сервистер туралы ақпаратты сұрата аласыз. Сондай-ақ барлық ақпаратты қолданушының электрондық поштасына жолдау мүмкіндігі де қарастырылған», - делінген хабарламада.