Білім саласындағы жемқорлық азаймай тұр
oldkaz.kyzylorda-news.kz. Соңғы жылдары Республика бойынша сыбайлас жемқорлық тәуекелдері сақталып отырған салалардың бірі – білім саласы. Осы орайда «Nur Otan» партиясы облыстық филиалы жанындағы Сыбайлас жемқорлыққа қарсы іс-қимыл жөніндегі қоғамдық кеңес мүшелері өңірдегі білім, ғылым салаларындағы жемқорлыққа қарсы іс-қимыл жұмыстарының жағдайын талқылады.
Жиынға «Nur Otan» партиясы Қызылорда облыстық филиалы төрағасының бірінші орынбасары Ақмарал Әлназарова, облыс прокурорының орынбасары Нұрлан Ерманов, Сыбайлас жемқорлыққа қарсы іс-қимыл Агенттігінің Қызылорда облысы бойынша департаментінің бөлім басшысы Әлия Әлімқұлова, облыстық білім басқармасының басшысы Майра Мелдебекова, «Nur Otan» партиясы облыстық филиалы жанындағы Сыбайлас жемқорлыққа қарсы іс-қимыл жөніндегі қоғамдық Кеңес пен Партиялық бақылау жөніндегі комиссия мүшелері, жоғарғы оқу орындарының басшылары, БАҚ өкілдері қатысты.Жиын барысында тиісті сала басшылары атқарылған жұмыстар бойынша хабарлама жасап, комиссия тарапынан жасалған ескертулерді орындауға уәде етті.
Атап өту керек осы кезге дейін «Nur Otan» партиясы облыстық филиалы жанындағы Сыбайлас жемқорлыққа қарсы іс-қимыл жөніндегі қоғамдық кеңес төрағасы қызметін атқарып келген Наурызбай Байқадамов басқа қызметке ауысуына байланысты Мақсұт Нәлібаев аталған қоғамдық кеңестің төрағасы етіп сайланды.
