Жаңақорғанда 600 мың теңге пара алған шенеунікпен қоса берген тұрғын да сотталды
oldkaz.kyzylorda-news.kz. Қызылорда облысы Жаңақорған аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы пара алғаны үшін сотталды. Бұл жөнінде ҚР Сыбайлас жемқорлыққа қарсы іс-қимыл агенттігінің баспасөз қызметі хабарлайды.
Қызылорда облысының Сыбайлас жемқорлыққа қарсы қызмет департаменті «Жаңақорған ауданының жұмыспен қамту, әлеуметтік бағдарламалар және азаматтық хал актілерін тіркеу бөлімі» КММ басшысы А.Ахметовке қатысты сотқа дейінгі тергеуді аяқтады. Ол К.Берженбаев деген азаматтан аталған мекемеге жұмысқа орналасқаны үшін 600 мың теңге көлемінде пара алды деген күдікке ілініп отыр.24 қыркүйекте Қызылорда облысы Жаңақорған аудандық сотының үкімімен Ахметовке пара алғаны үшін 30 млн теңге көлемінде айыппұл салынды, сондай-ақ өмір бойына мемлекеттік қызметтен шеттетілді.
Осы үкім бойынша пара берген азамат Берженбаевқа 9 млн теңге көлемінде айыппұл салынған.
