Kyzylorda-News.kz

oldkaz.kyzylorda-news.kz. Қызылорда қаласында «Азаматтық бастамаларды қолдау орталығы» КЕАҚ мемлекеттік гранты шеңберінде «ЗУБР» ӘКҚ жобасы аясында «Әлеуметтік инновациялар» тақырыбында семинар-тренинг өтті.

 

Онда мемлекеттік органдармен өзара іс-қимыл, әлеуметтік жобалау, әлеуметтік кәсіпкерлік және әлеуметтік коммуникациялар тақырыптары бойынша кеңінен түсіндіру жұмыстары жүргізілді.

Аталған шара қатысушылардың қоғамдағы әлеуметтік мәселелерді шешу бойынша тиімді жолдарды құруға, әлеуметтік кәсіпкерлік бойынша өз идеялары мен жобаларын жүзеге асырудың жолдарын табуға үйретуді мақсат тұтады.

Айта кетейік, «ЗУБР» ӘКҚ біраз жылдан бері жастар мәселесін зерттеп, әр түрлі тақырыптағы оқу бағдарламаларын іске асырып келеді. Жас көшбасшылардың мемлекеттік қызметте мансабының жоғарылауына, өз бизнесін құрып, дамытуына және коммерциялық емес ұйымның көшбасшысы ретінде қалыптасуына бағыт-бағдар береді.