Қызылорданың көрікті жерлері фото тілінде сөйледі (ФОТО)
oldkaz.kyzylorda-news.kz. Қалалық мәдениет және тілдерді дамыту бөлімі және «Социум-Қызылорда» қоғамдық бірлестігінің ұйымдастыруымен орталық алаңдағы «Өнер арбатында» «Қызылорда – менің көзіммен» атты фотосуреттер көрмесі өтті.
Аталған фотокөрмені тамашалауға келген қала қонақтары мен тұрғындарының санында шек болмады.
Көрме қорытындысымен тәжірибелі фотограф Нұрболат Нұржаубай жеңімпаз атанды.
Ал, ІІ орынды Анар Бармақова еншілесе, ІІІ орынға Ақтөбе қаласынан осы көрмеге қатысуға арнайы келген Алла Исламова лайық деп танылды.
Жеңімпаздар қалалық Мәдениет және тілдерді дамыту бөлімі басшысының арнайы қаржылай сыйлықтарымен марапатталды.
Біз де «Сыр медиа» серіктестігі ұжымының атынан әріптесіміз Нұрболат Нұржаубайұлын кезекті жеңісімен құттықтап, шығармашылық толағай табыстар тілейміз!
