Қызылордада 50 бала аула клубында жарысты (ФОТО)
oldkaz.kyzylorda-news.kz. Қызылордада «Сұңқар» әлеуметтік қамқорлық орталығы» қоғамдық қорының ұйымдастыруымен қаланың шет аймақтарында құрылған аула клубтары арасында «Салауатты өмір салты» атты эстафеталық жарыс ұйымдастырылды.Жарысқа 4 командадан құрылған барлығы 50 жасөспірім қатысып, спорттың бірнеше түрінен сынға түсті.
Нәтижесінде І орынды «Қыран» командасы жеңіп алды. ІІ орын «Тұлпар» командасына бұйырып, ІІІ орынға «Самұрық» командасы тұрақтады.
Шара соңында сайысқа қатысушы жеңімпаздарға алғыс хаттар мен естелік сыйлықтар табысталды.
