Kyzylorda-News.kz

oldkaz.kyzylorda-news.kz. Мемлекеттік кірістер органының құрылғанына 5 жыл толып отыр. Осыған орай Қазалы ауданы әкімінің орынбасары Бақытжан Жарылқап аудандық мемлекеттік кірістер басқармасына арнайы барып, ұжым мүшелері мен сала ардагерлерін мерейлі мерекемен құттықтады.

 

Мерекелік шарада Бақытжан Дүзелбайұлы жауапты міндетті мүлтіксіз орындап, аудан бюджетінің кірісін ұлғайтуда жауапкершілікпен қызмет атқарған бірқатар қызметкерлерді аудан әкімінің «Алғыс хатымен» марапаттады.

Аудандық мемлекеттік кірістер басқармасының басшысы Темірлан Қожаназаров мекеме қызметкерлерін құттықтай келген аудан әкімінің орынбасары Бақытжан Жарылқапқа алғысын айтып, сала ардагерлеріне сый-сияпаттарын табыстады. Салық саласының ардагері Кемал Көпжасар да құттықтау сөз сөйлеп, ұжым мүшелерінің алдағы жұмысына сәттілік тіледі.