Қызылордада бірнеше ұрлық жасаған күдікті ұсталды
oldkaz.kyzylorda-news.kz. Қызылорда қаласы Полиция басқармасының криминалдық полиция бөлімінің қызметкерлері бірнеше пәтер ұрлықтарын жасаған 20-жастағы күдіктіні құрықтады.
Ағымдағы жылдың 11 шілдесінде қала тұрғыны полицияның кезекші бөліміне пәтер ұрлығы туралы шағым түсірді. Белгісіз тұлға жеке үйлердің бірінде пластикалық терезесін ашып кіріп, алтын бұйымдарын ұрлап, оқиға орнынан қашып кеткен. Ұрлық күндізгі уақытта, үй иелері болмаған кезде жасалған. Жәбірленушіге жалпы 760000 теңге сомада материалдық шығын келтірілген. Одан кейін белгілі болғандай, күдікті ұрланған заттарды ломбардқа өткізген.Полиция қызметкерлерінің жүргізген жедел іс-шараларының нәтижесінде ағымдағы жылдың 17 шілдесінде күдікті азамат компьютер клубтарының бірінде ұсталды.
Қазіргі уақытта күдікті уақытша ұстау изоляторына қамаққа алынды. Тергеу барысында күдіктінің қалада жасалған осы тектес басқа да бес қылмысқа қатысы бар екендігі дәлелденді. Барлық деректер бойынша Қылмыстық кодексінің 188-бабы 2-бөлігінің 3-тармағына сәйкес сотқа дейінгі тергеп-тексеру жүргізілуде.
