Елдің басым бөлігінде найзағай ойнап, жаңбыр жауады
oldkaz.kyzylorda-news.kz. Атмосфералық фронталды бөліктердің өтуіне байланысты 14 тамыз күні республиканың басым бөлігінде құбылмалы күн райы сақталады – найзағай ойнап, жаңбыр жауады. Жекелеген өңірлерде екпінді жел, дауыл, шаңды дауыл, бұршақ күтіледі, деп хабарлайды ҚазАқпарат.
«Қазгидромет» РМК мәліметінше, Ақмола, Солтүстік Қазақстан облыстарының кей жерлерінде дауыл күтіледі, жел 15-20 м/с күшейеді, бұршақ жаууы ықтимал.Жамбыл, Қарағанды облыстарының кей жерлерінде дауыл, 15-20 м/с екпіндегі жел болжанады. Күндіз бұршақ жауады.
Түркістан, Маңғыстау облыстарының кей жерлерінде шаңды дауыл тұрып, жел 15-20 м/с артады. Түркістан облысының жекелеген аумақтарында дауыл күтіледі.
Батыс Қазақстан, Қызылорда, Қостанай, Павлодар облыстарының кей жерлерінде желдің күші 15-20 м/с жетеді.
Павлодар, күндіз Қостанай облыстарында бұршақ жаууы мүмкін. Қызылорда облысының күндіз кей жерлерінде шаңды дауыл күтіледі.
Шығыс Қазақстан облысының кей жерлерінде желдің жылдамдығы 15-20 м/с күшейеді. Таңертең және күндіз кей жерлерде бұршақ болжанады.
Алматы облысының кей жерлерінде 17-22 м/с екпінде жел тұрып, оған шаңды дауыл қосылады.
Сондай-ақ Қызылорда, Түркістан, Жамбыл, Алматы, Қарағанды облыстарының басым бөлігінде, Ақтөбе, Шығыс Қазақстан, Ақмола облыстарының оңтүстігінде өте жоғары өрт қаупі сақталады.
