Жазасын өтеушілер арасында интеллектуалды сайыс өтті
oldkaz.kyzylorda-news.kz. ҚР ІІМ Қызылорда облысы бойынша ҚАЖ департаментіне қарасты ЗК-169/1 мекемесінің арнайы контингент арасында әлеуметтік-психологиялық тәрбие жұмысын жүргізу бөлімі мен Ә.Тәжібаев атындағы облыстық әмбебап ғылыми кітапханасы бірлесіп «Білім – ырыс қазығы» атты интеллектуалды сайысын өткізді.
Оған мекемеде шаруашылық қызмет көрсетуге қалдырылған жазасын өтеушілер қатыстырылды. Сайысқа қатысушылар «Арғымақ» және «Тұлпар» болып екі топқа бөлініп өнер көрсетті. Сайыс қорытындысы бойынша белсене атсалысқандар Алғыспен марапатталды.
